Luke 4:16-30
16Иисус Бодунуң өзүп-доруккан хоорайы Назаретке чедип келген a. Бир-ле катап Ол Бодунуң чаңчыккан аайы-биле амыр-дыш хүнүнде синагогага кирип келгеш, Бижилгени номчууру-биле улус мурнунга туруп алган. 17Аңаа Исайя медээчиниң дүрүг номун ап бергеннер. Ол номну чада туткаш, мынча деп бижээн черни тып алган: 18– 19«Дээрги-Чаяакчының Сүлдези мени бүргээн-дир b –Ол мени түрегдээннерге буянныг медээни дыңнатсын дээш ▼
▼ Өске бурунгу сөзүглелдерде бо сөстерге «Сеткил-чүрээ муңгараан улусту экиртсин дээш» деп сөстерни немээн.
шилип чаап каан.Ол Мени туттурганнарга хосталганы, согурларга каракталырын,
дарлаттырганнарга адырлып хосталырын d чарлаары-биле база
Дээрги-Чаяакчының өршээлиниң чылы e келгенин медеглээри-биле чоруткан» f.
20Иисус номну дүргеш, бараан болукчуга берипкеш, олуруп алган. Синагогада бүгү улустуң карактары Олче угланып келген. 21Оон Ол улуска чугаалап эгелээн: «Бөгүн Бижилгениң ол сөстери ону дыңнап турар силерниң мурнунга боттанып турары бо-дур». 22Шупту улус Ооң дугайында эки херечилел кылып, Ооң чугаалаан сөзүнүң чеченин аажок магадап: «А Ол Иосифтиң оглу эвес ийикпе?» – дижип турган. 23Иисус оларга мынча дээн: «Чугаажок-ла, силер Меңээ: „Эмчи, бодуңну бодуң экиртип ал“деп үлегер домактың чугаалааны ышкаш, „Капернаум хоорайга чүнү кылып турганыңны дыңнаан бис g, ону маңаа, төрээн чериңге база кылып көрем“– дижир боор силер». 24Улаштыр мынча дээн: «Ынчалза-даа силерге алыс шынны чугаалап тур мен: Бурганның кандыг-даа медээчизин ооң төрээн черинге хүлээп көрбес болур h. 25Ылап шынын силерге чугаалап тур мен: Илия медээчиниң чурттап турган үезинде, кажан үш чыл алды ай дургузунда дээр кааңнап, бүгү чуртка кончуг улуг аш болу бергенде i, Израильге дыка хөй дулгуяк кадайлар турган. 26Ындыг-даа болза, Бурган Илияны өске кымче-даа эвес, а Сидон хоорай чоогунда Сарепта деп черде j чурттаан дулгуяк кадайже чоруткан чүве-дир. 27Элисей медээчиниң чурттап турган үезинде Израильге кежи аарыг хөй улус турган k, ындыг-даа болза, Сирия чурттуг Неемандан аңгыда, оларның чаңгызын-даа Бурган арыглаваан чүве-дир l». 28Ону дыңнааш, синагогада шупту улус килеңней берген. 29Олар тура халышкаш, Иисусту хоорайдан үндүр сывырып, Ону кадыр элден дүжүр октаптар дээш, хоорайның турары дагжыгаш кырынче аппарганнар. 30Ынчалза-даа Ол улус аразы-биле өде кылаштап чоруй барган m.
Copyright information for
TyvTUV