Luke 5:33-39
Шээрленириниң дугайында
(Мф. 9:14-17; Мк. 2:18-22)
33База-ла улус Иисуска мынча дээн: «Иоанның өөреникчилери a үргүлчү шээрленир база мөргүүр-дүр, фарисейлерниң-даа өөреникчилери база ындыг-дыр b, а Силернии күзээнде-ле ижип-чип турар-дыр». 34Иисус мынча деп харыылаан: «Куда доюнга күдээ оол-биле кады келген ооң эштери оолдарны, күдээ оол олар-биле кады орда, шээрлениринче албадап болур бе? c 35Ынчалза-даа күдээ оолду олардан чарып аппаар үе кээрге d, олар ынчан шээрлени бээр». 36Оон Иисус оларга угаадыглыг чугаа чугаалап берген: «Эрги хепке кым-даа чаа хептен ора тырткан чамашкы салбас. Ынчаар болза, чаа хеп сандан үнер, а эрги хепке чаа хептен алган чамашкы салырга, таарышпайн баар. 37Кым-даа чаа араганы эрги көгээржикче кутпас. Ынчаар болза, чаа арага эрги көгээржикти деже тептер, ынчан арага-даа төктүп каар, көгээржик-даа сандан үнер. 38Чаа араганы чаа көгээржикче кудар херек ▼▼ Өске бурунгу сөзүглелдерде бо сөстерге «Ынчан олар ийилээ бүдүн-бүрүн артар» деп сөстерни немээн (Мф. 9:17 көр).
. 39Ол ышкаш эрги арага ишкен кижи чаа арага күзевес, чүге дээрге: „Эргизи эки-дир“– дээр». Luke 6:1-5
Амыр-дыш хүнү дугайында айтырыг
(Мф. 12:1-14; Мк. 2:23—3:6)
1Бир-ле катап амыр-дыш хүнүнде ▼▼ Өске бурунгу сөзүглелдерде «Амыр-дыш хүнүнде» деп сөстерге «Ийиги-бирги» деп утказын билип аары берге сөстерни немээн.
Иисус тарып каан шөлдү таварты бар чыдырда, Ооң өөреникчилери сыпта тараа баштарын үзе соккаш, холу-биле ууштап чий бергеннер g. 2Чамдык фарисейлер: «Амыр-дыш хүнүнде кылырын ыдыктыг хоойлу хораан чүвени силер чүге кыла бердиңер? h» – деп айтырганнар. 3Иисус оларга мынча деп харыылаан: «Боду-даа, кады чораан өөрү-даа аштай бээрге, Давид хаанның чүнү кылганын номчувааныңар ол бе? i 4Ол Бурганның өргээзинче киргеш, чүгле Бурганның бараалгакчылары чип болур ужурлуг ыдыктаан хлебти алгаш j, боду чий бергенин база кады чораан өөрүнге чирткенин билбес силер бе?» 5Оон мынча деп немеп каан: «Кижи амытан Оглу – амыр-дыш хүнүнүң безин Дээргизи-дир!»
Copyright information for
TyvTUV