Luk 6:1-5 | TyvTUV | STEP | Бир-ле катап амыр-дыш хүнүнде Иисус тарып каан шөлдү таварты бар чыдырда, Ооң өөреникчилери сыпта тараа баштарын үзе соккаш, холу-биле ууштап чий бергеннер .

‏ Luke 6:1-5

Амыр-дыш хүнү дугайында айтырыг

(Мф. 12:1-14; Мк. 2:23—3:6)

1 Бир-ле катап амыр-дыш хүнүнде ^{▼▼ Өске бурунгу сөзүглелдерде «Амыр-дыш хүнүнде» деп сөстерге «Ийиги-бирги» деп утказын билип аары берге сөстерни немээн.} Иисус тарып каан шөлдү таварты бар чыдырда, Ооң өөреникчилери сыпта тараа баштарын үзе соккаш, холу-биле ууштап чий бергеннер ^b. 2 Чамдык фарисейлер: «Амыр-дыш хүнүнде кылырын ыдыктыг хоойлу хораан чүвени силер чүге кыла бердиңер? ^c» – деп айтырганнар.

3 Иисус оларга мынча деп харыылаан: «Боду-даа, кады чораан өөрү-даа аштай бээрге, Давид хаанның чүнү кылганын номчувааныңар ол бе? ^d 4 Ол Бурганның өргээзинче киргеш, чүгле Бурганның бараалгакчылары чип болур ужурлуг ыдыктаан хлебти алгаш ^e, боду чий бергенин база кады чораан өөрүнге чирткенин билбес силер бе?» 5 Оон мынча деп немеп каан: «Кижи амытан Оглу – амыр-дыш хүнүнүң безин Дээргизи-дир!»