Mar 1:2-8 | TyvTUV | STEP | Исайя медээчиниң номунда мынча деп бижиттинген: «Көр даан, Мээң төлээм Сээң орууңну белеткеп берзин дээш, ону Сени мурнай чорудуп тур мен» .

‏ Mark 1:2-8

2 Исайя медээчиниң номунда ^{▼▼ Өске бурунгу сөзүглелдерде «Исайя медээчиниң номунда» деп эвес, а «Медээчилерниң номнарында» деп бижээн.} мынча деп бижиттинген:

«Көр даан, Мээң төлээм Сээң орууңну белеткеп берзин дээш,
ону Сени мурнай чорудуп тур мен» ^b.
3 «Ээн кургаг ховуда алгырган кижиниң үнү:
„Дээрги-Чаяакчыга оруктан белеткеңер!
Ооң эртер кокпаларын дорттап бериңер“» ^c.

4 Ынчангаш ээн кургаг ховуга Иоанн Медеглекчи чедип келген ^d. Ол улуска: «Бачыттарыңар дээш өршээл алыр дизиңерзе, бачыдыңар миннип, Бурганче ээлгениңер демдээ кылдыр сугга суктурар ужурлуг силер» – деп суртаалдап турган. 5 Улус аңаа бүгү Иудеядан база Иерусалим хоорайдан боттарының бачыттарын ажыы-биле миннир дээш кээп турган ^e, а Иоанн оларны Иордан хемге сугже суп турган. 6 Иоанн теве дүгүнден кылган хептиг база белинде хөм курлуг чораан ^f, а ооң чиир чеми шартылаа болгаш ховунуң ары чигири болган ^g. 7 Ол улуска мындыг суртаал берген: «Менден күчү-күштүг Кижи мээң соомдан чоруп олурар. А мен доңгайгаш, Ооң идииниң шидиишкинин безин чежеринге төлеп чок кижи-дир мен. 8 Мен силерни сугже суктум, а Ол силерни Ыдыктыг Сүлдеже сугар ^h».