Mark 11:1-11
Иисустуң Иерусалимче байырлалдыг моорлап киргени
(Мф. 21:1-11; Лк. 19:28-40; Ин. 12:12-19)
1Иисус өөреникчилери-биле кады Иерусалимден ырак эвесте Елеон дааның a чанында турар Виффагия биле Вифания дээр суурларга b чоокшулап келгеш, ийи өөреникчизин бурунгаар айбылап чорудупкан. 2Оларга Ол мынча деп чагаан: «Мурнуңарда чыдар суурже барыңар. Ынаар кире берген дораан-на, кымның-даа мынчага дээр мунуп көрбээни аныяк элчигенни баглап каан турарын көрүп каар силер. Ону чешкеш, бээр эккелиңер. 3А кандыг-бир кижи силерден: „Чүге ынчап тур силер?“– деп айтырар болза, аңаа: „Элчиген Дээргиге херек апарды, оон Ол ону дедир эгидип бээр ▼▼ Азы: «Ол кижи ону ол-ла дораан бээр чорудуптар».
“– деп харыылаар силер». 4Өөреникчилер чоруткаш, кудумчуда хаалга чанында баглап каан аныяк элчигенни тып алгаш, чеже бергеннер. 5Аңаа көрүп турган улустуң чамдыызы олардан: «Чүге ынчап тур силер? Чүге ону чеже бердиңер?» – деп айтырган. 6Өөреникчилери Иисустуң айытканын ёзугаар харыылаарга, ол улус элчигенчигешти ап алырын оларга чөпшээрээн. 7Аныяк элчигенни эккелгеш, өөреникчилер боттарының хевин аңаа чонактай салгылапкан, а Иисус ону мунуп алган. 8Иисус Иерусалимче бар чорда, хөй улус Ооң оруунга боттарының хевин d, а өскелери – ыяштардан кескен ногаан бүрүлерлиг будуктарны чада салып берип чорааннар. 9Иисустуң мурнунга база соонга чораан улус алгыржып турган: «Осанна! ▼▼ Осанна – еврей дылда «Камгалап көрем» дээн уткалыг сөс (Ыд. ыр. 117:25 көр). Мында ол сөс иудейлерниң манап турары хаан – Мессияны алдаржыткан кыйгы кылдыр ажыглаттынган.
Дээрги-Чаяакчының өмүнээзинден кел чыдар Кижи алгадып-йөрээтсин! 10Бистиң адавыс Давидтиң ам келир Чагыргазы алгадып-йөрээтсин! Осанна! Өрү дээрде Бурганга алдар-мактал!» f 11Иерусалимге келгеш, Иисус Бурганның өргээзинче кире бергеш, хамык чүвени эргий көрген. Орайтай берген боорга, Ол он ийи элчини-биле кады Вифания суурже чорупкан.
Copyright information for
TyvTUV