‏ Mark 14:32-42

Иисустуң Гефсиманияга Бурганга мөргүл кылганы

(Мф. 26:36-46; Лк. 22:39-46)

32Ооң соонда олар Гефсимания дээр черге чедип кээрге, Иисус Бодунуң өөреникчилеринге: «Мен мөргүп алыйн, силер маңаа олуруңар» – дээн. 33Иисус Пётрну, Иаковту болгаш Иоанны эдертип алган a. Ол ундаралга база хөлзээзин-дүвүрелге алзыпкан. 34«Мээң сеткилимни качыгдал өлүмнүү-биле карартыр базып тур b – деп, Ол оларга чугаалаан. – Маңаа туруңар база сергек болуп, удуваңар!»

35Элээн ырай бергеш, Иисус черже доңгая кээп дүшкеш, болдунар чүве болза, хилинчектиң ол үе-шагы Оон чайлазын дээш, мөргүп эгелээн c. 36Ол мынча дээн: «Авва
Авва – арамей дылда ажы-төл ачазын ынчаар адаар турган (Рим. 8:15; Гал. 4:6 көр).
, Ачай! Сээң шыдавас чүвең чок болгай e. Хилинчектиң бо дашказын Менден чайлады берем! f Ынчалза-даа бүгү чүве Мээң эвес, а Сээң күзел-сорууң ёзугаар болзун» g.

37Иисус өөреникчилеринче ээп келгеш, оларның удуп чыдарын көргеш, Пётрга чугаалаан: «Симон, удуй бердиң бе? Сен таанда-ла чаңгыс шак иштинде удувайн барып шыдавааның ол бе? 38Күткүлгеге алыспас дээш, серемчилелдиг болуп, мөргүңер-ле h. Сеткил-сагыш – сергек, а мага-бот – суларгай болгай».

39Иисус база катап ырай бергеш, демги-ле сөстери-биле мөргүп турган. 40Ооң соонда Ол катап ээп кээрге, өөреникчилери ам база удуп чыткан. Оларның карактары шимдинип турган, а ол ышкаш Аңаа чүнү-даа харыылаар аайын тыппааннар. 41Үшкү удаа оларже дедир чедип келгеш, Иисус мынча дээн: «Силер ам-даа удуп дыштанмышаан силер бе? Болзун че. Шак-үе келген i, Кижи амытан Оглун бачыттыглар холунга тудуп берип турар-дыр j. 42Тургулаңар, чоруулуңар. Саттыныкчы бо келди, көрүңер!»
Copyright information for TyvTUV