Mar 15:21-32 | TyvTUV | STEP | Киринея чурттуг Симон деп кижи шөлден ээп чанып олургаш, оларга орук ара ужуражы берген. (Ол Александр биле Руфустуң ачазы чүве-дир.) Шериглер ону Иисусту хере шавар дээн белдир-ыяшты көдүрүп чоруур кылдыр албадапканнар.

a Рим. 16:13

cЫд. ыр. 21:19

e Ыд. ыр. 21:7; 108:25

f Мк. 14:58; Ин. 2:19

g Ин. 10:18

h Ин. 1:49; 12:13

i Ин. 20:29

‏ Mark 15:21-32

Иисустуң хере шаптыртканы

(Мф. 27:32-44; Лк. 23:26-43; Ин. 19:17-27)

21 Киринея чурттуг Симон деп кижи шөлден ээп чанып олургаш, оларга орук ара ужуражы берген. (Ол Александр биле Руфустуң ^a ачазы чүве-дир.) Шериглер ону Иисусту хере шавар дээн белдир-ыяшты көдүрүп чоруур кылдыр албадапканнар. 22 Иисусту Голгофа азы «Баш сөөгү» дээр черге эккелгеннер. 23 Шериглер Аңаа мирра ^{▼▼ Мирра – аарбастадыр наркотик ады.} холаан арага ижиртирге, Ол ынаваан. 24 Иисусту белдир-ыяшка хере шаап кааш, олар Ооң хевин алыр дээш үлүг тыртып, аразында үлежип алганнар ^c. 25 Ону хере шаап каанда, хүн үнгенден бээр үшкү шак турган.

26 Иисустуң кем-буруузун айыткан самбыражыгашта: «Иудей хаан» – деп бижээн болган.

27 – 28 Ооң-биле кады ийи дээрбечини база: бирээзин – Ооң оң талазынга, өскезин – солагай талазынга хере шаап каан ^{▼▼ Өске бурунгу сөзүглелдерде бо сөстерге «Бижилгениң: „Ону кем-херек үүлгедикчизи деп санаан“– дээн сөзү боттанган» деп сөстерни немээн (Иса. 53:12; Лк. 22:37 көр).}. 29 Эрткен-дүшкен улус Иисусту бак сөглеп, Ооң талазынче бажы-биле дорамчылалдыг айтып, кочулап турган ^e: «Че, чүл моң? „Бурганның өргээзин үрегдеп-бускаш, үш хүн дургузунда тудуп тургузуптар мен“– деп турдуң чоп! ^f 30 Белдир-ыяштан дүжүп кээп, Бодуңну Бодуң камгала!» 31 Бурганның дээди бараалгакчылары болгаш ном-хоойлу тайылбырлакчылары база Иисусту кочулап, аразында чугаалажып турганнар: «Өскелерни камгалап турган, а Бодун камгалап шыдавас де! ^g 32 Ам бо Христос, Израильдиң хааны ^h, белдир-ыяштан дүжүп келзин, бис ону көөр болзувусса, Аңаа бүзүрей бээр бис! ⁱ» Иисус-биле кады хере шаптырган ийи дээрбечи безин Ону бак сөглеп турган.