Mark 2:18-22
Шээрленири болгаш амыр-дыш хүнүнүң дугайында айтырыглар
(Мф. 9:14-17; 12:1-8; Лк. 5:33—6:5)
18Иоанның өөреникчилери a болгаш фарисейлер шээрленир турган. Элээн каш кижи Иисуска чедип келгеш: «Чүге Иоанның база фарисейлерниң өөреникчилери шээрленип турарыл b, а Силерниң өөреникчилериңер шээрленмезил?» – дээн. 19Иисус оларга мынча деп харыылаан: «Куда доюнга келген күдээ оолдуң эштери оолдар, күдээ оол олар-биле кады олурда, шээрленип шыдаар бе? Күдээ оол олар-биле кады турда, оларның кудараан херээ чүл? c 20Ынчаарга күдээ оолду олардан чарып аппаар хүннер кээр-ле болгай d, шак-ла ынчан олар кударап база шээрлени бээр. 21Кым-даа эрги хепке чаа пөстен чамашкы салбас. Ынчаар болза, чаа чамашкы эрги хепти чыырылдыр тыртыптар, а ойбак оон-даа улуг апаар. 22Кым-даа чаа дүшкен араганы эрги көгээржикче кутпас. Ынчаар болза, чаа арага көгээржикти деже тептер, ынчан арага-даа төктүп каар, көгээржик-даа сандан үнер. Чаа араганы чаа көгээржикче кудар херек».
Copyright information for
TyvTUV