Mark 2:23-28
23Бир-ле катап Иисус амыр-дыш хүнүнде тарып каан шөлдү таварты бар чыткан. Ооң өөреникчилери орук ара сыпта тараа баштарын үзе соккаш, ууштап чий бергеннер a. 24Фарисейлер Аңаа мынча дээн: «Көрүңер! Амыр-дыш хүнүнде кылбас ужурлуг чүүлдү олар чүге кылып турарыл? b» 25Иисус оларга мынча дээн: «Боду база кады чораан өөрү аажок аштай бээрге, Давид хаанның чүнү кылганын силер таанда-ла Бижилгеден номчувааныңар ол бе? c 26Авиафар дээрзи d Бурганның дээди бараалгакчызы турган үеде, Давид хаан канчанган ийик? Ол Бурганның өргээзинче киргеш, Бурганның бараалгакчыларындан өске кым-даа чивес ужурлуг ыдыктаан хлебти e чигеш, кады чораан улузунга база берген болгай». 27Оон Иисус мынча деп немеп каан: «Бурган кижини амыр-дыш хүнү дээш эвес, а амыр-дыш хүнүн кижи дээш чаяап каан f. 28Ынчангаш Кижи амытан Оглу – амыр-дыш хүнүнүң-даа Дээргизи-дир!» Mark 3:1-6
Када берген холдуг кижини экирткени
(Мф. 12:9-14; Лк. 6:6-11)
1Иисус ооң соонда катап база синагогага кирип келген g. Ол өйде аңаа када берген холдуг кижи турган. 2Чамдык улус, Иисусту буруудадыр чылдак тып алыр бодааш, Ол амыр-дыш хүнүнде экирти бербес ирги бе деп, Ооң чүнү кылырын хайгаарап турганнар h. 3Иисус када берген холдуг кижиге: «Улустуң ортузунче туруп ал» – дээн. 4А демги улуска Ол мынча дээн: «Амыр-дыш хүнүнде чүнү кылыр ужурлугул i: буянны бе азы бузутту бе? Амы-тынны камгалап аар бе азы узуткаар бе?» Ынчалза-даа олар ыытташпаан. 5Иисус улусче килеңнеп, эргий кайгааш, оларның чүректериниң дашталганы дээш j аажок муңгарап, демги кижиге: «Холуң бээр сун» – дээн. Ол сунуп бээрге, ооң холу кадык апарган k. 6Фарисейлер үне бергеш, ол-ла дораан Иисусту канчап чок кылырын иродианнар-биле ▼▼ Иродианнар – Галилеяның ол үедеги хааны Ирод Антипаны деткип турган еврей политиктиг бөлүктүң кежигүннери (Мк. 12:13 көр).
кады сүлчээлежип, чугаа кыла бергеннер.
Copyright information for
TyvTUV