Mar 3:13-18 | TyvTUV | STEP | Ооң соонда Иисус дагже үне бергеш, күзээн улузун кый дээрге, олар Аңаа чедип келген.

‏ Mark 3:13-18

Иисустуң он ийи элчинни шилип алганы

(Мф. 10:1-4; Лк. 6:12-16)

13 Ооң соонда Иисус дагже үне бергеш, күзээн улузун кый дээрге, олар Аңаа чедип келген. 14 – 15 Иисус оларның аразындан он ийи кижини шилип алгаш, элчиннер деп адап каан ^{▼▼ Өске бурунгу сөзүглелдерде «Элчиннер деп адап каан» деп сөстер таварышпайн турар.}. Олар үргүлчү-ле Ооң-биле кады чоруур ужурлуг турган. Иисус оларны суртаалдадып чорудар дээш база аарыглар экиртир, буктар үндүр сывырар эрге-күштүг болзуннар дээш, белеткеп турган. 16 Иисустуң шилип алган он ийи кижизи бо-дур: Ооң Пётр деп адааны Симон ^b, 17 Воанергес азы «Диңмирээшкин оолдары» деп адаткан Зеведейниң оолдары Иаков биле Иоанн ^c, 18 Андрей, Филипп, Варфоломей, Матфей ^d, Фома, Алфейниң оглу Иаков, Фаддей, Симон Кананит ^{▼▼ Кананит – арамей дылдан укталган бо сөс Кана хоорайның адынга дүүшпес, а «Төрээн чурту дээш, чүткүлдүг демисекчи» дээн уткалыг бооп чадавас (Лк. 6:15 көр).}