Mark 9:33-40
Кым эң чугулал?
(Мф. 18:1-9; Лк. 9:46-50; 22:24-30)
33Иисус өөреникчилери-биле кады Капернаумга чедип келген a. Олар бажыңга турда, Иисус мынча деп айтырган: «Орук ара чүнүң дугайында чугаалажып чордуңар?» 34Ынчалза-даа олар ыытташпаан, чүге дээрге орук ара оларның кайызы эң чугула боорун маргыжып чораан улус чүве-дир. 35Иисус ынчан он ийи элчинин кый деп эккелгеш: «Кайы-бирээңер эң улууңар болуксаар болза, ол силер бүгүдениң эң бичиизи апарзын база шуптуңарга чалча болзун» b – дээн. 36Ол чаш уругну көдүргеш, оларның аразынга ону куспактап алгаш тура c, өөреникчилеринге мынча дээн: 37«Кым мындыг чаш уругларның бирээзин Мээң адымны бодааш, хүлээп ап турарыл, ол кижи Мени база хүлээп ап турар. А Мени хүлээп ап турар кижи Мени айбылап чоруткан Бурганны база хүлээп ап турары ол-дур d». 38Иоанн Иисуска мынча дээн: «Башкы! Силерниң адыңар-биле буктарны үндүр сывырып турар кижи көргеш e, ону кылырын хоруп кагдывыс f, чүге дээрге ол кижи бистиң-биле кады эвес-ле болгай». 39Иисус мынча деп харыылаан: «Ону хоруваңар, чүге дээрге Мээң адымдан кайгамчык чүүл кылып чоруур кижи ол-ла дораан Мени бак сөглей берип шыдавас. 40Биске удурланмас кижи бис-биле бир аай боор g.
Copyright information for
TyvTUV