Mat 1:1-17 | TyvTUV | STEP | Авраамдан база Давидтен укталган Иисус Христостуң ада-өгбе даңзызы бо-дур.

‏ Matthew 1:1-17

Иисус Христостуң ада-өгбе даңзызы

(Лк. 3:23-28)

1 Авраамдан база Давидтен укталган ^a Иисус Христостуң ада-өгбе даңзызы бо-дур.

2 Авраам Исаактың ачазы турган. Исаак – Иаковтуң, Иаков – Иуда биле ооң акы-дуңмаларының ачазы турган ^b. 3 Иуда – Фарес биле Зерахтың (а оларның авазы – Фамар), Фарес – Хецроннүң, а Хецрон Арамның ачазы турган ^c. 4 Арам – Аминадавтың, Аминадав – Наассоннуң, а Наассон Салмоннуң ачазы турган ^d. 5 Салмон – Воозтуң ачазы (а Воозтуң авазы – Раав) ^e турган. Вооз – Овидтиң ачазы (а Овидтиң авазы – Руф) турган. Овид – Иессейниң, 6 а Иессей Давид хаанның ачазы турган ^f.

Давид – Соломоннуң ачазы (а Соломоннуң авазы – Урияның кадайы) турган ^g. 7 Соломон – Ровоамның, Ровоам – Авияның, а Авия Асафтың ^{▼▼ Өске бурунгу сөзүглелдерде «Асаф» эвес, а «Аса» деп бижээн.} ачазы турган ⁱ. 8 Асаф – Иосафаттың, Иосафат – Иорамның, а Иорам Озияның ^j ачазы турган. 9 Озия – Иоафамның, Иоафам – Ахазтың, а Ахаз Эзекияның ачазы турган. 10 Эзекия – Манассияның, Манассия – Амостуң ^{▼▼ Өске бурунгу сөзүглелдерде «Амос» эвес, а «Амон» деп бижээн.}, а Амос Иосияның ачазы турган. 11 Иосия – Иехонияның ^l болгаш ооң дуңмаларының өгбези турган ^{▼▼ Өске бурунгу сөзүглелдерде «Иосия» деп атка «Иоакимниң ачазы, а Иоаким» деп сөстерни немээн.}. (Оларның чурттап турган үезинде израиль чонну Вавилонче көжүрүп үндүрген чүве-дир.) ⁿ

12 Израиль чонну Вавилонче көжүрген соонда, Иехония Салафиилдиң ачазы апарган, а Салафиил Зоровавелдиң ачазы турган ^o. 13 Зоровавел – Авиудтуң, Авиуд – Элиакимниң, а Элиаким Азорнуң ачазы турган. 14 Азор – Садоктуң, Садок – Ахимниң, а Ахим Элиудтуң ачазы турган. 15 Элиуд – Элеазарның, Элеазар – Маттанның, а Маттан Иаковтуң ачазы турган. 16 А Иаков Иосифтиң ачазы турган. Ол Иосиф болза Христос деп адаткан Иисусту божаан Марияның ашаа боор ^p.

17 Ынчангаш Авраамдан Давидке чедир шупту он дөрт салгал, Давидтен израиль чонну Вавилонче көжүрүп үндүргенинге чедир база он дөрт салгал болгаш израиль чонну Вавилонче көжүргенинден Христостуң төрүттүнгенинге чедир база-ла он дөрт салгал солушкан.