Matthew 10:5-15
5Иисус он ийи элчинин чорудуп тура, мындыг айтыышкын берген: «Өске чоннар улузунче-даа, Самарияның хоорайларынче-даа барбаңар. 6Хамыктың мурнунда израиль чоннуң азып читкен хойлар дег улузунче a барыңар. 7Баргаш: „Дээрниң Чагыргазы чоокшулап келген-дир!“– деп суртаалдаңар b. 8Аарыг улусту экиртиңер, өлүглерни катап диргизиңер, кеш аарыглыг улусту арыглаңар c, буктарны үндүр сывыртаңар. Халаска алган силер – халаска бериңер d. 9Орукче үнерде, бодуңарга алдын, мөңгүн, чес чоостар албаңар. 10Орукче үнерде, диленир хап-сава-даа, солуттунар хеп-даа, кедер идик-даа, даянгыыш-даа албаңар, чүге дээрге ажылдаан кижи амыдыраар аъш-чеминге төлептиг боор e. 11Кандыг-бир хоорайга азы суурга чедип келгеш, ында төлептиг кым барын билип алгаш, чоргужеге чедир ооң бажыңынга туруңар. 12Ол бажыңче кирип келгеш, ээлерин мендилеңер ▼▼ Өске бурунгу сөзүглелдерде бо домакка «„Бо бажыңга амыр-тайбың доктаазын!“– деп чугаалаңар» деп немээн (Лк. 10:5 көр).
. 13Олар силерниң мендиңерге төлептиг болза, күзээн амыр-тайбыңыңар орта артып калзын, а төлептиг эвес болза, аңаа күзээн амыр-тайбыңыңар чогуп бүтпезин. 14А кандыг-бир кижи силерни хүлээп албас база сөзүңерни дыңнавас болза, ол бажыңдан азы хоорайдан чоруп тура, будуңарда довуракты-даа кактап кааптыңар g. 15Силерге алыс шынны чугаалап тур мен: ол хоорайга көөрде, Содом биле Гоморрага безин h шииткел хүнүнде өршээл улуг боор».
Copyright information for
TyvTUV