Matthew 11:20-24
Галилеяның бүзүревээн хоорайларынга кеземче
(Лк. 10:13-15)
20Оларның аразынга дыка хөй кайгамчык чүүлдерни кылырга-даа, бачыттар үүлгедиринден ойталаваан хоорайларның чурттакчыларын Иисус ынчан буруудадып эгелээн: 21«Хоразин, ат болур сен! Вифсаида, ат болур сен! a Силерге көргүскеним дег кайгамчык чүүлдер Тир, Сидон хоорайларга b болгулаан болза, олар шагда-ла бачыттарын миннип, качыгдалдың самдар хевин кедип, баштарын хүл-биле бызаарлар ийик. 22Ынчангаш шииткел хүнү кээрге, силерге көөрде, Тир биле Сидонга c безин өршээл улуг боорун чугаалап тур мен. 23Капернаум, сен база-ла дээрге чедир көдүрлүрүн кордадың бе? Чок, тамыже дүңдерлип дүжер сен! d Чүге дээрге сеңээ көргүскеним дег кайгамчык чүүлдерни Содомга база кылган болза, ол хоорай бөгүнге чедир турар ийик. 24Ынчангаш шииткел хүнү кээрге, сеңээ көөрде, Содомга безин өршээл улуг боорун силерге чугаалап тур мен! e»
Copyright information for
TyvTUV