Matthew 12:38-42
Иона медээчиниң демдээ
(Мк. 8:11-12; Лк. 11:29-32)
38Ынчан чамдык ном-хоойлу тайылбырлакчылары болгаш фарисейлер Иисуска: «Башкы, Силерниң биске кандыг-бир кайгамчык демдектен көргүзериңерни күзеп тур бис» – дээннер a. 39Иисус мынча деп харыылаан: «Бузуттуг болгаш бачыттыг салгал! Бадыткал демдээн негезиңерзе-даа, Иона медээчини дамчыштыр бергенинден өске демдек көрбес силер b. 40Ионаның далай амытанының хырнынга үш дүн-хүннү эрттиргени дег c, Кижи амытан Оглу база черниң ханы дүвүнге үш дүн-хүн дургузунда турар. 41Ниневияның чурттакчылары шииткел хүнүнде бо салгалдың улузу-биле кады турупкаш, оларны буруудады бээрлер d, чүге дээрге ниневийжилер Ионаның суртаалын дыңнааш, бачыдын билингеннер-дир e. А ам мында Ионадан-даа артык улуг Кижи бар-дыр! f 42Мурнуу чүктүң кадыны g Шииткел хүнүнде бо салгалдың улузу-биле кады турупкаш, оларны буруудады бээр, чүге дээрге ол кадын Соломон хаанның мерген угаанныг өөредиин дыңнаар дээш, черниң өске кыдыындан кээп чораан-дыр. А ам мында Соломондан-даа артык улуг Кижи бар-дыр!»
Copyright information for
TyvTUV