Matthew 13:53-58
Иисусту төрээн хоорайынга хүлээп көрбээни
(Мк. 6:1-6; Лк. 4:16-30)
53Угаадыглыг чугааларын чугаалап дооскаш, Иисус оортан чоруй барган. 54Ол Бодунуң төрээн хоорайынга a чедип келгеш, улусту синагогага өөредип эгелээн b. Дыңнааннар шуптузу кайгап-харап: «Ооң ындыг мерген угааны база күжү кайыын келгенил? – дижип турганнар. – 55Ол дээрге бызаңчы кижи оглу эвес ийикпе? c Ооң авазын Мария дээр, а дуңмаларын Иаков, Иосий, Симон болгаш Иуда дивес чүве бе? d 56Ооң кыс дуңмалары база мында, бистиң аравыста эвес чүве бе? Ол бүгү Аңаа кайыын келгенил?» 57Ынчангаш Ону хүлээп көрбээннер e. Ынчан Иисус оларга: «Бурганның медээчизи каяа-даа алдар-хүндүлүг боор, ону чүгле бодунуң хоорайынга база бажыңынга үнелеп көрбес чүве» – дээн f. 58Улуста бүзүрел чогундан Ол аңаа хөй кайгамчык чүүлдер кылбайн барган.
Copyright information for
TyvTUV