Matthew 18:1-9
Дээрниң Чагыргазында кым эң чугулал?
(Мк. 9:33-37, 42-48; Лк. 9:46-48; 17:1-2)
1Ол өйде Иисуска өөреникчилери чедип келгеш: «Дээрниң Чагыргазында кым эң чугулал?» – деп айтырыг салганнар. 2Иисус бир чаш уруг кый деп алгаш, ону оларның аразынга тургускаш, 3мынча дээн: «Силерге алыс шынны чугаалап тур мен: амгы байдалыңардан өскерли бербес болзуңарза база бичии уруглар дег апарбас болзуңарза a, Дээрниң Чагыргазынче кирбес силер b. 4Ынчангаш бодун томаарткаш, чаш уруг дег апарган кижи Дээрниң Чагыргазынга эң чугула кижи боор. 5Мындыг чаш уругну Мээң адымны бодааш, хүлээп ап турар кижи Мени база хүлээп ап турар c. 6А Меңээ бүзүрээн ындыг бичии улустуң кайы-бирээзин бачытче чыгапкан кижи турар болза, ооң мойнунга дээрбе дажы баглааш, далай дүвүнче киир октаптары безин ол кижиге эки салым боор ийик. 7Күткүлгелери дээш, бо делегей ат болур! Ол бүгү күткүлгелерниң кээри албан, ынчалза-даа оларның кээриниң чылдагааны болган кижи ат болур! d 8Холуң азы будуң сени бачытче чыгай берзе, ону одура шаап, октавыт! e Ийи холдуг азы ийи буттуг чорааш, мөңге отче киир октадыр орнунга f, мөңге амыдыралче чаңгыс холдуг азы чаңгыс буттуг киргени дээре. 9Карааң сени бачытче чыгай берзе, ону ушта каскаш, октавыт! Ийи карактыг чорааш, тамының одунче киир октадыр орнунга g, мөңге амыдыралче чаңгыс карактыг киргени дээре» h.
Copyright information for
TyvTUV