Mat 19:16-30 | TyvTUV | STEP | Бир кижи Иисуска чедип келгеш, айтырыг салган: «Башкы! Мөңге амыдырал чедип аар дизимзе, мен кандыг буян кылыйн?»

‏ Matthew 19:16-30

Иисус болгаш бай кижи

(Мк. 10:17-31; Лк. 18:18-30)

16 Бир кижи Иисуска чедип келгеш, айтырыг салган: «Башкы! ^{▼▼ Өске бурунгу сөзүглелдерде «Башкы» эвес, «Буянныг Башкы» деп бижээн (Мк. 10:17; Лк. 18:17 көр).} Мөңге амыдырал чедип аар дизимзе, мен кандыг буян кылыйн?» ^b

17 «Чүге буян дугайында Менден айтырдың? – деп, Иисус харыылаан. – Чүгле чаңгыс Бурган буянныг ^c. А мөңге амыдыралды алыр дизиңзе, Бурганның айтыышкыннарын сагып чор» ^d.

18 «А кандыгларын?» – деп, демгизи айтырган.

Иисус мынча дээн: «Кижи өлүрбе, кады чурттаан эжиңге өскерилбе, оорлава, мегелеп херечилеве, 19 ада-иеңни хүндүлеп чор, чаныңда кижиге бодуңга бодуң дег ынак бол» ^e.

20 Аныяк эр Аңаа: «Мен ол бүгүнү сагып келдим ^{▼▼ Өске бурунгу сөзүглелдерде «Бичиимден-не» деп сөстерни немээн.}. Меңээ ам чүү четпейн турары ол?» – дээн ^g.

21 Иисус аңаа мынча деп харыылаан: «Болбаазыраңгай кижи болуксазыңза ^h, хамык эт-хөреңгиңни барып садыпкаш, акшазын ядыыларга үлеп беривит ⁱ, ынчан дээрлерге эртине-байлактыг боор сен ^j. А ооң соонда келгеш, Мени эдерип чорувут».

22 Ол сөстерни дыңнааш, аныяк эр муңгаргай чорупкан, чүге дээрге ол аажок бай кижи турган. 23 Иисус ынчан Бодунуң өөреникчилеринге мынча дээн: «Алыс шынны силерге чугаалап тур мен: бай кижиге Дээрниң Чагыргазынче кирери дыка-ла берге! ^k 24 База катап чугаалаайн: бай кижиниң Бурганның Чагыргазынче киреринден тевениң тевене үдүн өттүр өде бээри белен».

25 Өөреникчилери ону дыңнааш, аажок кайгап: «Ынчаарга кым камгалалды ап шыдаарыл?» – деп айтырганнар.

26 Иисус оларже топтап көргеш, мынча дээн: «Кижи ону шыдавас, ынчалза-даа Бурганның шыдавас чүвези чок ^l».

27 Пётр ынчан Аңаа: «Көрүңер даан, бис хамык бар чүвевисти каапкаш, Силерни эдерип чоруптувус ^m. Ынчаарга биске ол дээш, чүү боорул?» – дээн.

28 А Иисус оларга мынча дээн: «Алыс шынны силерге чугаалап тур мен: ам кээр чаа делегейге Кижи амытан Оглу Бодунуң чайынналган дүжүлгезинге саадаптарга ⁿ, силер – мени эдерген улус – Израильдиң он ийи аймаан шиидери-биле он ийи дүжүлгеге олургулаптар силер ^o. 29 Мен дээш, бажыңнарын, ха-дуңмазын, ада-иезин ^{▼▼ Өске бурунгу сөзүглелдерде бо сөстерге «кадайын» деп сөстү немээн (Лк. 18:29-30 көр).}, ажы-төлүн азы черин кааптар кижи бүрүзү ^q оон чүс катап хөйнү алыр база мөңге амыдыралды салгап алыр.

30 Ынчалза-даа хөй ам баштайгылар бооп турарлар – сөөлгүлер апаар, а ам сөөлгүлер бооп турарлар – баштайгылар апаар» ^r.