Matthew 20:20-28
Иаков биле Иоанның дилээ
(Мк. 10:35-45)
20Иисуска ооң соонда Зеведейниң кадайы оолдары-биле a кады келгеш, мөгейип бараалгааш, Оон бир чүве дилээн. 21Иисус оон: «Чүнү күзеп турарыңар ол?» – деп айтырган. Демги кадай мынча дээн: «Силерниң Чагыргаңарга ийи оглум: бирээзи – оң талаңарга, а өскези – солагай талаңарга оруп аарын аазап көрүңер b». 22Иисус: «Чүнү дилеп турарыңарны билбес-тир силер. Мээң ам ижерим дашканы c ижип шыдаар силер бе?» ▼▼ Өске бурунгу сөзүглелдерде бо сөстерге «Мээң шыдажып эртерим дег, шак ындыг хилинчекти силер база шыдажып эртип шыдаар силер бе?» деп сөстерни немээн.
– деп харыылаан. Олар: «Шыдаар бис» – дээннер. 23Иисус оларга мынча дээн: «Мээң хилинчээмниң дашказын ижер силер, а кымның Мээң оң азы солагай таламга олурарын хайырлаары Менден хамаарышпас: аңаа Адамның айтып кааны улус орар». 24Ону дыңнааш, арткан он элчин демги ийизинге хорадап үнген. 25Ынчалза-даа Иисус оларны кый деп алгаш, мынча дээн: «Өске чоннарның чагырыкчылары боттарының улузун дарлап турарын, а даргалары оларны бастып турарын билир болгай силер. 26А силерниң араңарга ындыг чүве турбазын! e Силерниң араңарда алдар-хүндүлүг болуксаар кижи бар болза, чалчаңар болзун f. 27Силерниң араңарга бир дугаар болуксаан кижи бар болза, кулуңар болзун. 28Чүге дээрге Кижи амытан Оглу база-ла улус Аңаа бараан болзун дээш эвес, харын Боду бараан боору-биле g база Бодунуң амы-тынының өртээ-биле хөй улусту хостап аар дээш келген болгай» h.
Copyright information for
TyvTUV