Matthew 21:4-9
4– 5Медээчиниң аксы-биле: «Сион-кыска мынча деңер a:„Көр даан, Хааның сенче кел чыдыр.
Биче сеткилдиг Хааның элчиген, ажылчын элчиген оглу
мунуп алган кел чыдыр“» b – дээн сөстер ынчаар боттанганы ол c.
6Өөреникчилер чоруткаш, бүгү чүвени Иисустуң чугаалаан аайы-биле кылганнар. 7Олар элчигенчигешти иези-биле кады эккелгеш, хевин оларга чонай салгаш, Иисусту олуртупканнар. 8Эңдерик хөй чон хевин Ооң мурнунда орукка дөжей сала берген d, а өскелери ыяш будуктарын сыккаш, орукка чада салып чораан. 9Ооң мурнунга база соонга бар чыткан эңдерик хөй чон ыыткыр алгыржып турган: «Осанна! ▼
▼ Осанна – еврей дылда «Камгалап көрем» дээн (Ыд. ыр. 117:25 көр). Мында ол сөс иудейлерниң манап турары хаан – Мессияны алдаржыткан кыйгы кылдыр ажыглаттынган.
Давидтиң Оглунга f алдар-мактал!Дээрги-Чаяакчының өмүнээзинден кел чыдар Кижи алгадып-йөрээтсин!
Осанна! Өрү дээрде Бурганга алдар-мактал!» g
Copyright information for
TyvTUV