Matthew 22:15-22
Императорга бээр үндүрүг дугайында
(Мк. 12:13-17; Лк. 20:20-26)
15 Фарисейлер ынчан үне бергеш, Иисусту, сөзүнге сылдаглап a, канчап тудуп алырын дугуржуп эгелээннер. 16Олар Иисусче боттарының өөреникчилерин иродианнар-биле ▼▼ Иродианнар – Галилеяның ол үедеги хааны Ирод Антипаны деткип турган еврей политиктиг бөлүктүң кежигүннери.
катай чорудупканнар. «Башкы! – деп, айбылаткан улус чугаалаан. – Силерни шынчы база Бурганның алыс шын оруунга өөредип чоруур кижи деп билир бис. Кижилерни ылгай көрбес болгаш c, оларның эрге-ажыынга бараан болбас-тыр силер. 17Ынчаарга Силерниң бодалыңар чүл, биске чугаалап көрүңерем: императорга үндүрүг төлээр ужурлуг бис бе азы чок бе?» d 18Иисус оларның кара сагыштыын билгеш e, мынча дээн: «Ийи арынныглар, Мени чүге шенеп тур силер? 19Үндүрүг төлээр чоозуңарны Меңээ көргүзүңер». Аңаа мөңгүн чоос эккеп бээрге, 20Иисус олардан: «Мында кымның чурук-дүрзүзү база ады бар-дыр?» – деп айтырган. 21Олар: «Императорнуң» – деп харыылааннар. Иисус ынчан: «Ынчаарга императорга – императорнуун, а Бурганга – Бурганныын бериңер» – дээн f. 22Ындыг сөстер дыңнааш, оларның аксы хак деп, Иисустан ырап чоруй барганнар.
Copyright information for
TyvTUV