Matthew 24:1-14
Келир үеде болур хөлзээшкиннер
(Мк. 13:1-13; Лк. 21:5-19)
1Иисус оон Бурганның өргээзинден үнгеш, бар чыдырда, өөреникчилери Аңаа чоокшулап келгеш: «Бурганның өргээзиниң тудугларының чаражын!» – деп барганнар. 2Иисус оларга мынча дээн: «Бо бүгүнү көрүп тур силер бе? Силерге алыс шынны чугаалап тур мен: маңаа туружундан шимчевээн даш безин артпас, шупту тудуглар үрегдеттирип-буступ каар» a. 3Иисус Елеон даанга чааскаан олурда, өөреникчилери Аңаа чедип келгеш, айтырыг салганнар: «Ол айыыл-халап кажан боорун биске чугаалаңарам. Силерниң чедип кээриңерни болгаш бо делегейниң төнчүзүн кандыг демдек бадыткаарыл?» 4Иисус оларга мынча деп харыылаан: «Кандыг-даа улуска дуурайладып аарындан кичээниңер b. 5Чүге дээрге хөй-ле кижи Мээң адым тудуп: „Мен – Христос-тур мен“– деп келгеш, эңдерик улусту мегелеп кааптар c. 6Чоокта дайын-чааның шимээнин болгаш ыракта дайын-чаалар дугайында чугааларны дыңнап каар силер d. Ындыг-даа болза, кортпаңар. Ол бүгү болур ужурлуг, ынчалза-даа бүгү чүвениң ылаптыг төнчүзү ол эвес-тир. 7Ийе, бир чонче өске чон, бир күрүнеже өске күрүне халдай бээр e. Чер болганга аш-чут база чер шимчээшкиннери болур f: 8ол бүгү, божаан херээженниң эъдиниң аарыы дег, хилинчектиң чүгле эгези-дир. 9Силерни ынчан хилинчектээр дээш, улуска тудуп берип, өлүрүп эгелээр. Мээң адым ужун бүгү кижи төрелгетен силерни көөр хөңнү чок апаар g. 10Эңдерик улус бо моондакты ажып шыдавастап, бот-боттарын сатчып база көрүшпестеп эгелээр h. 11Хөй меге медээчилер ынчан тыптып келгеш, эңмежок улусту мегелеп кааптар i. 12Бузут ынчалдыр нептерээрге, эңдерик улустуң ынакшылы соой бээр. 13Ынчалза-даа ол бүгүнү эчизинге чедир шыдашкан кижи камгалалды алыр j. 14Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар k, бүгү чүвениң төнчүзү чүгле ооң соонда кээр».
Copyright information for
TyvTUV