Mat 24:15-28 | TyvTUV | STEP | «Ол дугайында Даниил медээчиниң чугаалааны, ыдыктыг черде турар хоозуралдың бужар чудун көрүп кагзыңарза (номчуп орар кижи шын угаазын!) ,

‏ Matthew 24:15-28

Ам кээр коргунчуг айыыл-халап

(Мк. 13:14-23; Лк. 21:20-24)

15 «Ол дугайында Даниил медээчиниң чугаалааны, ыдыктыг черде турар хоозуралдың бужар чудун көрүп кагзыңарза (номчуп орар кижи шын угаазын!) ^a, 16 Иудеяда чурттаан улус дагларже дезипсин. 17 Бажыңының кырынга ^{▼▼ Бажың кыры – Иудеяда бажыңнар крышалары ийленчек эвес, а калбак болур турган, а чурттакчы чон оларны дыштаныр чер база үстүкү каът кылдыр ажыглап турган.} турган кижи, эт-севин алыр дээш, бажыңынче дүжүп кирбезин ^c. 18 Шөлге ажылдап чораан кижи, идик-хевин алыр дээш, бажыңынче ээп келбезин. 19 Ол хүннерде иштиг-сааттыг болгаш эмер чаш уруг-дарыглыг улус ат болур! ^d 20 Кыжын азы амыр-дыш хүнүнде деспес дээш мөргүңер. 21 Бо делегейни чаяаганындан бээр, амдыгаа чедир кажан-даа болбаан база моон соңгаар кажан-даа болбас коргунчуг хилинчек ол үеде болур ^e. 22 Бурган ол хүннерниң санын кызырбаан болза, амылыг кижи бүрүзү менди үнмес ийик. Ынчалза-даа Бодунуң шилип алганы улус дээш, Бурган ол хүннерниң санын кызырар ^f.

23 Силерге ынчан кандыг-бир кижи: „Көр, Христос бо-дур!“азы „Ол бо-дур!“– дээр болза, аңаа бүзүревеңер! ^g 24 Чүге дээрге боттарын „Христос мен“дээр азы „Медээчи мен“дээр улус тыптып келгеш, болдунар-ла болза, Бурганның шилип алган улузун безин мегелээр дээш, өндүр улуг бадыткал демдектери болгаш кайгамчык чүүлдер көргүзер ^h. 25 Дыңнаңар, Мен силерни баш бурунгаар сагындырдым ⁱ.

26 Ынчангаш силерге: „Көрүңер, Христос ээн кургаг ховуда-дыр!“– дээр болза, ынаар барбаңар азы: „Көрүңер, Ол мында, дуу бажыңда чаштынып турар-дыр“– дээр болза, бүзүревеңер. 27 Чөөн чүктен кызаш дээш, барыын чүкке чедир кызаңнаан чаңнык дег, Кижи амытан Оглу ынчалдыр ээп кээр ^j. 28 Кайда сек чыдарыл, аңаа сек чиир куштар чыглып кээр» ^k.