Matthew 24:6-14
6Чоокта дайын-чааның шимээнин болгаш ыракта дайын-чаалар дугайында чугааларны дыңнап каар силер a. Ындыг-даа болза, кортпаңар. Ол бүгү болур ужурлуг, ынчалза-даа бүгү чүвениң ылаптыг төнчүзү ол эвес-тир. 7Ийе, бир чонче өске чон, бир күрүнеже өске күрүне халдай бээр b. Чер болганга аш-чут база чер шимчээшкиннери болур c: 8ол бүгү, божаан херээженниң эъдиниң аарыы дег, хилинчектиң чүгле эгези-дир. 9Силерни ынчан хилинчектээр дээш, улуска тудуп берип, өлүрүп эгелээр. Мээң адым ужун бүгү кижи төрелгетен силерни көөр хөңнү чок апаар d. 10Эңдерик улус бо моондакты ажып шыдавастап, бот-боттарын сатчып база көрүшпестеп эгелээр e. 11Хөй меге медээчилер ынчан тыптып келгеш, эңмежок улусту мегелеп кааптар f. 12Бузут ынчалдыр нептерээрге, эңдерик улустуң ынакшылы соой бээр. 13Ынчалза-даа ол бүгүнү эчизинге чедир шыдашкан кижи камгалалды алыр g. 14Дээрниң Чагыргазының дугайында бо Буянныг Медээни бүгү делегейге, хамык чоннарга медеглээн турар h, бүгү чүвениң төнчүзү чүгле ооң соонда кээр».
Copyright information for
TyvTUV