Matthew 26:6-13
Вифанияга Иисустуң бажын үс-биле чагганы
(Мк. 14:3-9; Лк. 7:36-50; Ин. 12:1-8)
6Иисус Вифанияга a, кежи аарыг чораан b Симоннуң бажыңынга турган. 7Ол чемненип чыдырда, үнелиг чаагай чыттыг үс куткан алебастр доңгалыг херээжен Аңаа чоокшулап келгеш, үзүн Ооң бажынче кудуп, чаап берген. 8Ооң өөреникчилери ону көргеш, хорадап үнгеннер: «Ындыг чарыгдалдың ажыы чүл? 9Ол үстү хөй акшага садыпкаш, ядыыларга үлеп берип болур турган болгай!» 10Иисус ону билгеш, оларга мынча дээн: «Ол херээженни дүвүретпейн көрүңер, Меңээ эки херек кылган кижи-дир! 11Ядыылар силер-биле үргүлчү кады турар c, а Мен силер-биле үргүлчү кады турбас мен d. 12Мээң мага-бодумче чаагай чыттыг үзүн кудуп бергеш, ол Мени орнукшударынга белеткеп кагды e. 13Алыс шынны силерге чугаалап тур мен: бүгү делегейге, Буянныг Медээни суртаалдаан чер бүрүзүнге f, улус бо херээженниң кылган херээниң дугайында чугаалажып, ону сактып чоруур».
Copyright information for
TyvTUV