Mat 27:32-44 | TyvTUV | STEP | Орук ара оларга Киринея чурттуг Симон деп кижи таваржы бээрге, шериглер ону Иисустуң белдир-ыяжын көдүрер кылдыр албадапканнар.

a Ыд. ыр. 68:22

bЫд. ыр. 21:19

c Ыд. ыр. 21:7; 108:25

d Мк. 14:58; Ин. 2:19

‏ Matthew 27:32-44

Иисустуң хере шаптыртканы

(Мк. 15:21-32; Лк. 23:26-43; Ин. 19:17-27)

32 Орук ара оларга Киринея чурттуг Симон деп кижи таваржы бээрге, шериглер ону Иисустуң белдир-ыяжын көдүрер кылдыр албадапканнар. 33 Голгофа азы «Баш сөөгү» деп адаар черге чедип келгеш, 34 олар Иисуска бир-ле ажыг чүүл холаан арага бергеннер ^a. Ол шенеп көргеш, ишпейн барган. 35 Иисусту белдир-ыяшка хере шаап кааш, шериглер Ооң хевин алыр дээш үлүг тыртып, аразында үлежип алганнар ^b. 36 А ооң соонда олар Ону кадарып олуруп алганнар.

37 Иисустуң кем-буруузун айтып: «Иудей хаан Иисус бо-дур» деп бижээн самбыражыгашты Ооң бажының кырынга кадап каан турган.

38 Ооң-биле кады өске ийи дээрбечини база: бирээзин Ооң оң талазынга, а өскезин солагай талазынга хере шаап каан. 39 Эрткен-дүшкен улус Ооң талазынче баштары-биле дорамчылалдыг айтып, кочулап турган ^c: 40 «„Бурганның өргээзин үреп-бускаш, үш хүн дургузунда тудуп тургузуптар мен“– деп турдуң чоп! ^d Бодуңну Бодуң камгала! Бурганның Оглу шын болзуңза ^e, белдир-ыяштан дүжүп кел!»

41 Бурганның дээди бараалгакчылары, ном-хоойлу тайылбырлакчылары болгаш баштыңнар демнежип алгаш, база-ла Ону кочулап турганнар: 42 «Өскелерни камгалап турган, а Бодун камгалап шыдавас де! ^f Израильдиң хааны де! ^g Ол белдир-ыяштан дүжүп келзин, бис ынчан Аңаа бүзүрей бээр бис! ^h 43 Ол Бурганга ынанып турду. Ынчангаш Ол Бурганга эргим болза, Бурган ам Ону камгалап алзын! Ол Бодун Бурганның Оглу мен деп турду чоп!» 44 Ооң-биле кады хере шаптырган дээрбечилер база Ону бак сөглеп турган.