Matthew 28:1-10
Иисустуң катап дирилгени
(Мк. 16:1-8; Лк. 24:1-12; Ин. 20:1-10)
1 Амыр-дыш хүнү эрткенде, улуг-хүннүң даң бажында, Мария Магдалина a болгаш база бир Мария b чевег-куйну көөрү-биле чедип келгеннер. 2Хенертен күштүг чер шимчээшкини болган: Дээрги-Чаяакчының төлээзи дээрден дүжүп келгеш, чевег-куйга кээп, дашты чууй идипкеш c, ооң кырынга олуруп алган. 3Ооң хевир-шырайы чаңныкка дөмей, а хеви хар дег ак болган d. 4Оон корткаш, таңныылдар сириңейнип, өлүг-даа дег кээп дүшкеннер e. 5Дээрниң төлээзи херээженнерге мынча дээн: «Силер кортпаңар. Хере шаптырткан Иисусту дилеп чедип келгениңерни билир мен. 6Ол мында чок. Силерге Ооң чугаалап турганы дег, Ол катап дирли берген. Бээр келгеш, Ооң чыткан черинче көрүңер даан. 7А ооң соонда дүрген чоруткаш, Ооң өөреникчилеринге барып: „Ол өлүглер аразындан катап дирилгеш, силерни мурнай Галилеяга чеде бээр f. Ону аңаа көрүп каар силер“– деп дыңнадыңар. Силерге Мээң чугаалаар дээн чүвем бо-дур». 8Олар чевегден дүрген-не үне халышкаш, коргуп-иргип-даа, аажок өөрүп-даа, ол бүгүнү Иисустуң өөреникчилеринге чугаалаар дээш чүгүржүпкеннер. 9Хенертен Иисус Боду оларга уткуй бо келген. Ол: «Амыр-менди-ле!» – деп мендилээн g. Херээженнер чоокшулай бергеш, доңгая кээп дүшкүлээш, Ооң буттарындан кужактап h, Аңаа мөгейип турганнар i. 10Иисус ынчан оларга мынча дээн: «Кортпаңар! Баргаш, „Галилеяже чоруптуңар“деп Мээң ха-дуңмамга чугаалаңар j. Олар Мени аңаа көрүп каар».
Copyright information for
TyvTUV