Matthew 4:23-25
Иисустуң чонну өөредип, экиртип турганы
(Лк. 6:17-19)
23Иисус бүгү Галилеяны эргий кезип, синагогаларга улусту өөредип, Дээрниң Чагыргазының дугайында Буянныг Медээни суртаалдап база кандыг-даа аарыг-аржыктан улусту экиртип чораан a. 24Ооң дугайында дамчыыр чугаа бүгү Сирияга b тарай берген. Янзы-бүрү аарыг-човалаңга алыскан, күштүг аарышкыдан хинчектеткен, букшуураан, тыртар болгаш чартыктаан кижилерин улус Аңаа эккеп туруп берген. Иисус оларның шуптузун экиртип турган. 25Галилеядан, Он-хоорайдан c, Иерусалимден, Иудеядан болгаш Иорданның ол чарыындан келген мөөң чон Ону эдерип чораан. Matthew 5:1-12
Иисустуң даг кырынга чонга өөредиг бергени
1Мөөң чонну көрүп кааш, Иисус дагже үне берген. Ол орта олуруп аарга, өөреникчилери Ооң чанынга чедип келгеннер. 2Иисус оларны өөредип, мынча дээн:Ылап шын амыр-чыргалдыг улус
(Лк. 6:20-23)
3«Сагыш-хөңнү ядарааннар амыр-чыргалдыг, чүге дээрге Дээрниң Чагыргазы оларныы боор d. 4Муңгарап ыглааннар амыр-чыргалдыг, чүге дээрге Бурган оларны аргалап каар e. 5Биче сеткилдиглер амыр-чыргалдыг, чүге дээрге чер-чуртту салгап алырлар f. 6Чөптүг-шынныг чорук кылыксааш, аштап-суксаан чүве дег g, кызып чүткээннер амыр-чыргалдыг, чүге дээрге Бурган оларның ындыг күзелин бүрүнү-биле хандырар. 7Өскелерге өршээлдиглер амыр-чыргалдыг, чүге дээрге Бурган оларга өршээлдиг боор h. 8Арыг чүректиглер i амыр-чыргалдыг, чүге дээрге Бурганны көөрлер j. 9Амыр-тайбың нептередикчилери амыр-чыргалдыг k, чүге дээрге Бурган оларны ажы-төлүм деп адаар l. 10Чөптүг-шынныг чоруу дээш, истедип-сүрдүргеннер амыр-чыргалдыг, чүге дээрге Дээрниң Чагыргазы оларныы боор. 11Мени эдергениңер дээш, улус силерни бак сөглээр, истеп-сүрер болгаш канчаар-даа нүгүлдээр болза, амыр-чыргалдыг силер m. 12Ол дээш өөрүп-байырлаңар! n Чүге дээрге аажок улуг шаңнал силерни дээрге манаар. Силерниң мурнуңарда чурттап чораан Бурганның медээчилерин база ынчалдыр истеп-сүрүп турганнар».
Copyright information for
TyvTUV