Matthew 5:38-48
Дайзыннарыңарга ынак болуңар
(Лк. 6:27-36)
38«„Карак дээш карак, диш дээш диш“ a – дээнин дыңнаан силер. 39А Мен силерге мынча деп тур мен: бузуттуг кижиге удурланма. Оң талакы чаагыңче дажыпкан кижиге солагай талазын база дөгеп бер b. 40Хөйлеңиң хунаап алыр дээш, чаргы-чаалы үндүрген кижиге тонуңну база уштуп бер. 41Сени ооң-биле кады муң базым эртип, аңаа дузалаарынче албадапкан кижи-биле кады немей база бир муң базымны эрт. 42Сенден диленген кижиге бер, сенден чегдинген кижиге бербес мен диве c. 43 „Чаныңда кижиге ынак бол, а дайзыныңны көөр хөңнүң чок бол“– деп чугаалаанын дыңнаан силер d. 44А Мен ам силерге мынча деп тур мен: дайзыннарыңарга ынак болуңар e, силерни истеп-сүргеннер дээш, мөргүңер f , ▼▼ Өске бурунгу сөзүглелдерде бо сөстерге «Силерни каргап турарларны алгап-йөрээңер, силерни көөр хөңнү чок улуска буяндан кылып чоруңар, силерни дорамчылап турарлар дээш мөргүңер» деп сөстерни немээн (Лк. 6:28 көр).
. 45Ынчангаш Дээрде Адаңарның ажы-төлү боор силер. Ол Бодунуң хүнүнге бузуттуг-даа, буянныг-даа улустуң кырынга деңге хүннээрин чарлык бооп h, эки-даа, бак-даа улусче чаъзын деңге чагдырып турар болгай i. 46Чүгле силерге ынак улуска ынак болзуңарза, чүү дээш шаңнал алыр силер? Үндүрүг хавырыкчылары база ынчалдыр кылып турар эвес бе? 47Чүгле боттарыңарның чоок улузуңар-биле мендилежип чоруур болзуңарза, онзагай чүнү кылып чорууруңар ол? Өске чоннар улузу база ынчалдыр кылып турар эвес бе? 48Ынчангаш Дээрде Адаңарның болбаазыраңгайы дег, ындыг болбаазыраңгай бооп көрүңер j».
Copyright information for
TyvTUV