Matthew 8:14-17
Иисустуң хөй улусту экирткени
(Мк. 1:29-34; Лк. 4:38-41)
14Иисус Пётрнуң бажыңынга келгеш, ооң кат-иези a халыын аарыгдан изип-хып чыдарын көрүп каан. 15Ол чыткан херээженниң холунга дээптерге b, эъдиниң изии дораан чавырлы берген. Экирээн кижи туруп келгеш, Иисуска бараан болуп эгелээн. 16Кежээ дүшкенде, Аңаа хөй букшуураан улус эккелгеннер. Ол Бодунуң сөзү-биле буктарны үндүр сывыртааш, хамык аарыг улусту экиртип каан. 17Исайя медээчини дамчыштыр: «Ол бистиң човалаңывысты Боду чүктеп, бистиң аарыгларывысты ап алды» c – деп медеглеттинген сөстер ынчаар боттанганы ол.
Copyright information for
TyvTUV