Matthew 8:23-27
Иисустуң шуурганны томаартканы
(Мк. 4:35-41; Лк. 8:22-25)
23Иисус хемеже олуруптарга, өөреникчилери Ону эдерип олурупкан. 24Хенертен хөлге күштүг шуурган эгелеп, чалгыглар хемени хөме шаап эгелээн. А Иисус удуп чыткан. 25Өөреникчилери Ооң чанынга келгеш, Ону оттурупкаш: «Дээрги! Бисти камгалаңар, дүжүп өлдүвүс-ле!» – деп алгыржы бергеннер. 26Иисус оларга мынча дээн: «Биче бүзүрелдиглер a, чүге ындыг кортук силер?» Ол оон туруп келгеш, хат биле сугну томаарыыр кылдыр чагырарга, шуут-ла ыржым-шыпшың апарган b. 27Улус кайгаанындан аайын тыппайн турган: «Хат биле суг безин Аңаа чагыртып турар, бо чүү адам Кижил?»
Copyright information for
TyvTUV