Matthew 9:14-17
Шээрленириниң дугайында
(Мк. 2:18-22; Лк. 5:33-39)
14Ооң соонда Иисуска Иоанның өөреникчилери a келгеш: «Чүге бис база фарисейлер үргүлчү шээрленир улус бис b, а Силерниң өөреникчилериңер чүге шуут ынчанмазыл?» – деп айтырыг салганнар. 15Иисус оларга мынча деп харыылаан: «Күдээ оол олар-биле кады турар шагда, куда доюнга ооң эштери оолдар кудараар деп бе? c Ынчалза-даа күдээ оолду олардан чарып аппаар хүннер чедип кээр d, чогум-на ынчан олар шээрлени бээр. 16Кым-даа эрги хепке чаа пөстен чамашкы салбас, ынчаар болза, чамашкы эрги пөстү чыырылдыр тыртыптар, а ойбак оон-даа улуг апаар. 17Кым-даа чаа дүшкен араганы эрги көгээржикче кутпас. Ынчаар болза, чаа арага көгээржикти деже тептер, ынчан арага-даа төктүп каар, көгээржик-даа сандан үнер. Чаа араганы чаа көгээржикче кудар херек, ынчан арага-даа, көгээржик-даа бүдүн-бүрүн артар».
Copyright information for
TyvTUV