Matthew 9:18-26
Дарганың уруун диргискени болгаш аарыг херээженни экирткени
(Мк. 5:21-43; Лк. 8:40-56)
18Иисус олар-биле чугаалажып турда, Аңаа бир дарга кижи чедип келгеш, дис кырынга олуруп, мөгейгеш: «Мээң уруум өлүрүнүң кырында тур, ынчалза-даа Силер чедип келгеш, холуңарны аңаа дегзип көрүңер – ол дириг артар» – дээн. 19Иисус өөреникчилери-биле кады ону эдерип чорупкан. 20Хенертен он ийи чыл дургузунда ханы төктүп аараан херээжен кижи Иисустуң артындан чедип келгеш, Ооң хевиниң ужунга дээй каапкан a. 21Ол иштинде: «Ооң оода-ла хевинге дээпсимзе, экирий бээр боор мен» – деп бодаан b. 22Иисус эргилгеш, ону көрүп кааш: «Кызым, дидим бол! Бүзүрелиң сени экиртип-камгалап кагды» c – дээн. Шак ол өйден бээр демги херээжен кадык апарган. 23Иисус дарганың бажыңынче кирип келгеш, шоор ойнакчыларын ▼▼ Ол үениң иудейлеринге хөөржүдүлге ёзулалын шоорга ойнап үдээр чаңчыл турган хире.
база аймап-хөлзээн чонну көрүп каан. 24Ол: «Үнүп чоруңар! Бо уруг өлбээн, а удуп чыдар кижи ышкажыл e» – дээн. Ынчаарга улус Ону кочулап эгелээн. 25Хамык улусту албадап үндүрүптерге f, Иисус уругнуң өрээлинче киргеш, ооң холундан тудуп аарга g, ол туруп келген. 26Болган чүүл дугайында дамчыыр чугаа ук черни бир кылдыр тарай берген.
Copyright information for
TyvTUV