Numbers 26:28-37
28Иосиф Манассия биле Эфрем деп ийи оолдуг турган a, оларның үре-салгалы болгаш олардан укталган төрел бөлүктер бо-дур. 29Манассияның төрел бөлүктери бо-дур b: Махирден – махир төрел бөлүк, Махирниң оглу Галаадтан – галаад төрел бөлүк. 30Галаадтың үре-салгалындан укталган өске төрел бөлүктер бо-дур: Иезерден – иезер төрел бөлүк, Хелектен – хелек төрел бөлүк, 31Асриилден – асриил төрел бөлүк, Шехемден – шехем төрел бөлүк, 32Шемидадан – шемида төрел бөлүк, Хеферден – хефер төрел бөлүк. 33Хеферниң оглу Салпаад оолдары чок, а чүгле кыстарлыг кижи турган, ооң кыстарының аттары бо-дур: Махла, Ноа, Хогла, Милка болгаш Тирца c. 34Манассиядан укталган төрел бөлүктер ол-дур. Оларның ниити саны 52 700 эр кижи болган d. 35Эфремниң үре-салгалы болгаш олардан укталган төрел бөлүктер бо-дур e: Шутелахтан – шутелах төрел бөлүк, Бехерден – бехер төрел бөлүк, Тахандан – тахан төрел бөлүк. 36А Шутелахтың оглу Арандан – аран төрел бөлүк. 37Эфремниң үре-салгалындан укталган төрел бөлүктер ол-дур. Оларның ниити саны 32 500 эр кижи болган f. Иосифтиң үре-салгалындан укталган төрел бөлүктер ол-дур.
Copyright information for
TyvTUV