Psalms 107:7-14
7Бодуңнуң ынак улузуңну күчү-күжүң-биле камгалап,меңээ харыылап көр.
8Бурган Бодунуң ыдыктыг өргээзинге мынча дээн:
«Сихем хоорайны a өөрүшкүлүг үлеп-хуваар мен,
Сокхот шынааны хемчээп-хуваар мен b:
9Галаад биле Манассияның черлери – Мээңии,
Эфремниң чери – Мээң бажымда куяк бөрт,
Иуданың чери – Мээң даянгыыжым болур;
10а Моавтың чери – Мээң бут чуур таваам болур,
Эдомнуң черин сапыым таптай базар.
Филистим черни тиилээним дээш өөрүп-байырлаар мен».
11Быжыглаттынган хоорайже кым мени киире бээрил?
Эдомче кым мени чедирерил?
12Сен эвес сен бе, бисти каапкан Бурганывыс?
Бистиң аг-шериивис-биле кады үнмезиң ол бе?
13Кызагдаткан биске дузалап көр,
кижи амытандан кээр дуза – хоозун идегел болгай c.
14Бурганның ачызында күжүвүстү көргүзер бис:
дайзыннарывысты Ол таптай базып каар.
Copyright information for
TyvTUV