Zec 4:6-10 | TyvTUV | STEP | Ынчан ол меңээ мынча диди: «Дээрги-Чаяакчының Зоровавелге чугаалаан сөзү бо-дур : чедимче күчү-күштүг шеригден эвес, а Мээң Сүлдемден кээр – деп, Аг-шериглиг Дээрги-Чаяакчы чугаалаан.

‏ Zechariah 4:6-10

6 Ынчан ол меңээ мынча диди: «Дээрги-Чаяакчының Зоровавелге ^a чугаалаан сөзү бо-дур ^b: чедимче күчү-күштүг шеригден эвес, а Мээң Сүлдемден кээр ^c – деп, Аг-шериглиг Дээрги-Чаяакчы чугаалаан. – 7 Сен чүү сен, өндүр бедик даг? Зоровавелдиң мурнунга оргулааш апаар сен! Ол Бурганның өргээзиниң эң кол дажын салып каарга ^d, улус: „Бурганның ээ көрнүүшкүнү ында-дыр! ^{▼▼ Азы: «Магалыг чаагайын!»}“– деп алгыржы бээр».

8 Дээрги-Чаяакчы меңээ Бодунуң сөзүн ажыткан: 9 «Зоровавелдиң холдары бо өргээниң таваан салган ^f, база-ла ооң холдары ону тудуп доозар. (Ынчан мени силерже Аг-шериглиг Дээрги-Чаяакчының чорутканын билип аар силер ^g.) 10 Бичии эгелээшкиннер хүнүн кым херекке албазыл? ^h Улус Зоровавелдиң холунда тудугга ажыглаар херексел көргеш, өөрүп-байырлаар. А демги чеди дең Дээрги-Чаяакчының бүгү чер-делегейни эргий көрүп турар карактарынче айтып турар ⁱ».