1Ch 2 | UznUzbC | STEP | Ёқубнинг ўғиллари қуйидагилардир: Рубен, Шимўн, Леви, Яҳудо, Иссахор, Забулун,

‏ 1 Chronicles 2

Ёқубнинг насли

1 Ёқубнинг ^{▼▼ Ёқуб — ибронийча матнда Исроил, Ёқубнинг яна бир исми (Ибтидо 32:27-28 га қаранг).} ўғиллари қуйидагилардир: Рубен, Шимўн, Леви, Яҳудо, Иссахор, Забулун, 2 Дан, Юсуф, Бенямин, Нафтали, Гад ва Ошер.

Яҳудонинг насли

3 Яҳудонинг Ғур, Ўнан ва Шело деган ўғиллари бор эди. Бу учала ўғилни унга Канъонлик Ботшува ^{▼▼ Ботшува — ёки Шуванинг қизи.} туғиб берганди. Яҳудонинг тўнғич ўғли Ғур Эгамизнинг олдида қабиҳ ишлар қилгани учун, Эгамиз унинг жонини олди. 4 Яҳудонинг келини Тамара ҳам Яҳудога Параз ва Зерах деган ўғилларни туғиб берди. Яҳудонинг ҳаммаси бўлиб беш ўғли бор эди.

5 Параздан Хазрон ва Хомул исмли икки ўғил туғилди.

6 Зерахнинг бешта ўғли бўлиб, уларнинг исмлари Зимри, Этхан, Хаман, Қолкўл ва Дардах ^{▼▼ Дардах — ибронийча матнда бу исмнинг бошқа варианти Даро. Унинг Дардах деган шакли 3 Шоҳлар 4:31 дан олинган.} эди. 7 Зерах авлодидан бўлган Карми исмли бир одамнинг Охун ^{▼▼ Охун — ибронийча матнда бу исмнинг бошқа варианти Охор. Унинг Охун деган шакли Ёшуа 7:1 дан олинган. Ибронийчада Охор исмининг маъноси — кулфат (Ёшуа 7:1-26 га қаранг).} деган ўғли бор эди. Охун Эгамизга бағишланган нарсаларнинг бир нечтасини олиб, Исроил халқига кулфат келтирганди.

8 Этханнинг ўғли Озариё эди.

Яҳудонинг набираси Хазрондан Довудгача бўлган насллар

9 Хазроннинг учта ўғли бўлиб, исмлари Ярахмал, Рам ва Холиб ^{▼▼ Холиб — ибронийча матнда бу исмнинг бошқа варианти Халубай. Унинг Холиб деган шакли шу бобнинг 18–оятидан олинган.} эди.

10 Рамдан Оминадав туғилди, Оминадав Яҳудо йўлбошчиси Нахшўннинг отаси эди. 11 Нахшўндан Салмўн туғилди, Салмўндан Бўаз туғилди, 12 Бўаздан Обид туғилди ва Обиддан Эссай туғилди.

13 Эссайнинг етти ўғли бўлиб, тўнғичи — Элиёб, иккинчиси — Абунадав, учинчиси — Шимо, 14 тўртинчиси — Натанил, бешинчиси — Раддай, 15 олтинчиси — Озим, еттинчиси Довуд эди ^{▼▼ …еттинчиси Довуд эди — 1 Шоҳлар 16:10-13 да ёзилишича, Довуд Эссайнинг саккизинчи ўғли бўлиб, Шомуил пайғамбар Худонинг амрига кўра, унга мой суртган эди. Бу рўйхатда эса Эссайнинг фақат еттита ўғли қайд этилган. Етти рақами яҳудийлар маданиятида ҳурмат–эҳтиром рамзи бўлгани учун, бу рўйхатда Довуд еттинчи ўғил деб тилга олинган бўлиши мумкин.}. 16 Уларнинг Зеруя ва Обигайл деган сингиллари бор эди. Зеруянинг учта ўғли бўлиб, уларнинг исмлари Абушай, Йўаб ва Осойил эди. 17 Обигайл Исмоил қавмидан бўлган Этер билан турмуш қуриб, Эмосани туғди.

Хазроннинг насли

18 Хазрон ўғли Холибнинг Озиба ва Ярийўт деган хотинлари бор эди. Озиба Холибга уч ўғил: Ешер, Шўвав ва Ардунни туғиб берди. 19 Озиба оламдан ўтгач, Холиб Эфратага уйланди. Эфрата унга Хурни туғиб берди. 20 Хурдан Ури туғилди, Уридан Базалил туғилди.

21 Хазрон олтмиш ёшга кирганда Мохирнинг қизи — Гиладнинг синглисига уйланди. У Хазронга Сахув исмли ўғил туғиб берди. 22 Сахувдан Ёвир туғилди. У Гиладдаги йигирма учта шаҳар устидан ҳукмронлик қиларди. 23 Кейинчалик Гашур ва Орам халқлари Ёвир шаҳарларини ^{▼▼ Ёвир шаҳарлари — ибронийча матнда Хавот–Ёвир, маъноси Ёвир шаҳарлари.}, шунингдек, Қанот шаҳри ва атрофидаги олтмишта қишлоқни қўлга киритишди. Бу ерларда яшаётган халқ Гиладнинг отаси Мохирнинг уруғидан эди.

24 Хазрон вафот этгандан кейин, ўғли Холиб отасининг бева қолган Эфрата исмли хотинига уйланган эди. Улар Ашхур исмли ўғил кўрдилар ^{▼▼ Хазрон вафот этгандан кейин…Улар Ашхур исмли ўғил кўрдилар — қадимий юнонча таржимадан. Ибронийча матнда Хазрон Холиб–Эфрата шаҳрида вафот этгандан кейин, унинг хотини Абиё Ашхур исмли бир ўғилни туғди. Яна шу бобнинг 19 ва 50–оятларига қаранг, бу оятларда Эфрата деган исм Холибнинг хотинига нисбатан ишлатилган.}. Ашхур Тахува шаҳрига асос солди ^{▼▼ Ашхур Тахува шаҳрига асос солди — ибронийча матнда Ашхур Тахуванинг отаси бўлди. Ибронийча матнда шу бобнинг бир нечта жойида “отаси бўлди” деган ибронийча иборани шаҳарга асос солди деб таржима қилса ҳам бўлади.}.

Хазрон ўғли Ярахмалнинг насли

25 Хазроннинг тўнғич ўғли Ярахмалдан бино бўлган ўғиллар қуйидагилардир: тўнғич ўғли Рам, сўнгра Бунах, Орен, Озим ва Охиёдир. 26 Ярахмалнинг Отара исмли бошқа хотини ҳам бор эди. Отара Ўнамни туғди.

27 Ярахмалнинг тўнғич ўғли Рамдан Маз, Ёмин ва Эхер бино бўлди.

28 Ўнамнинг Шаммай ва Ёдо деган ўғиллари бор эди.

Шаммай Надов ва Абушур исмли ўғиллар кўрди.

29 Абушурнинг Абуҳайил деган хотини бўлиб, улар Ахбон ва Мўлид деган ўғиллар кўрди.

30 Надовдан Салед ва Опайим деган ўғиллар бино бўлди. Салед бефарзанд ўтиб кетди.

31 Опайим — Йишининг отаси, Йиши — Шашоннинг отаси, Шашон Охлайнинг ^{▼▼ Охлай — Шашоннинг қизи (шу бобнинг 34–оятига қаранг).} отаси эди.

32 Шаммайнинг укаси Ёдонинг Этер ва Йўнатан исмли иккита ўғли бор эди. Этер бефарзанд ўтиб кетди.

33 Йўнатаннинг Палаф ва Зозо исмли иккита ўғли бор эди.

Мана шуларнинг ҳаммаси Ярахмалнинг насли эди.

34 Шашоннинг ўғли бўлмай, фақат қизлари бор эди, холос. Шашоннинг Ярхо исмли бир Мисрлик қули ҳам бор эди. 35 Шашон қизини ўзининг қули Ярхога узатди. Улар ўғил кўришди ва исмини Аттай қўйишди.

36 Аттайдан Натан туғилди, Натандан Забад туғилди, 37 Забаддан Эфлол туғилди, Эфлолдан Обид туғилди, 38 Обиддан Ёҳу туғилди, Ёҳудан Озариё туғилди, 39 Озариёдан Халез туғилди, Халездан Эласах туғилди, 40 Эласахдан Сисмай туғилди, Сисмайдан Шаллум туғилди, 41 Шаллумдан Ёхамиё туғилди, Ёхамиёдан Элишама туғилди.

Хазрон ўғли Холибнинг насли

42 Ярахмалнинг укаси Холиб икки ўғил кўрди, тўнғичининг исми Мешо ва кенжасининг исми Моришо эди. Мешодан Зиф туғилди, Моришодан Хеврон туғилди.

43 Хеврон Кўрах, Таппух, Раҳем ва Шема исмли ўғиллар кўрди. 44 Шемадан Рахам туғилди, Рахамдан Ёрихим туғилди. Шеманинг акаси Раҳем Шаммай исмли ўғил кўрди. 45 Шаммайдан Моюн туғилди. Моюндан Байтзур туғилди.

46 Холибнинг Эфах исмли чўриси ^{▼▼ чўри — 1:32 изоҳига қаранг.} унга Хоронни, Мўзони ва Газезни туғиб берди. Хорон ҳам Газез исмли бир ўғил кўрди. 47 Эфахнинг отаси Ёҳдойнинг Рахем, Йўтом, Гешон, Палат ва Шаф деган ўғиллари ҳам бор эди.

48 Холибнинг Махо исмли бошқа бир чўриси ^{▼▼ чўри — 1:32 изоҳига қаранг.} унга Шабар ва Тирхано исмли ўғиллар туғиб берди. 49 Кейинроқ улар Шаф ва Шаво исмли яна икки ўғил кўришди. Шаф Мадманно шаҳрига, Шаво эса Махбинах ва Гивиё шаҳарларига асос солди ^{▼▼ асос солди — шу бобнинг 24–оятига берилган иккинчи изоҳга қаранг. Асос солди ва асосчиси деган сўзлар шу бобнинг 50, 51, 52, 54–оятларида ҳам бор.}. Холибнинг Ахса исмли бир қизи ҳам бор эди.

50 Мана шуларнинг ҳаммаси Холибнинг насли эди.

Холиб ўғли Хурнинг насли

Эфратанинг Холибдан туғилган тўнғич ўғли Хур уч ўғил кўрди. Биринчисининг исми Шўвал бўлиб, у Хират–Йўрим шаҳрига асос солди. 51 Иккинчисининг исми Салмо бўлиб, у Байтлаҳм шаҳрига асос солди. Учинчисининг исми Хореф бўлиб, у Байт–Гадер шаҳрига асос солди.

52 Хират–Йўримнинг асосчиси Шўвалдан Ҳору халқи ва Монахат шаҳрининг ярим аҳолиси бино бўлди. 53 Хират–Йўрим аҳолиси Йитар уруғи, Фут уруғи, Шумот уруғи ва Мишрой уруғларидан ташкил топган эди. Зорох ва Эштойўл шаҳарларининг аҳолиси ҳам шу уруғлардан келиб чиққан.

54 Натуфо, Отрўт–Байт–Йўаб ва Зорох шаҳарларининг аҳолиси ҳамда Монахат шаҳрининг ярим аҳолиси Байтлаҳмнинг асосчиси Салмо наслидан ташкил топган эди. 55 Ябиз шаҳрида истиқомат қилган котибларнинг уруғлари ^{▼▼ котибларнинг уруғлари — ёки Сўфарим уруғлари.} ҳам Салмо наслидан келиб чиққан бўлиб, улар Тиротликлар, Шиматликлар ва Сухотликлар деган ном билан юритиларди. Булар Хайин халқидан бўлган Хаммат исмли бир одамнинг авлодлари эдилар. Хаммат Рахав уруғининг бобокалони эди ^{▼▼ Хаммат Рахав уруғининг бобокалони эди — ёки Хаммат Байтрахавнинг отаси эди.}.