2Ch 27 | UznUzbC | STEP | Йўтом йигирма беш ёшида шоҳ бўлиб, Қуддусда ўн олти йил ҳукмронлик қилди. Онасининг исми Еруша бўлиб, у Зодўхнинг қизи эди.

‏ 2 Chronicles 27

Яҳудо шоҳи Йўтом

1 Йўтом йигирма беш ёшида шоҳ бўлиб, Қуддусда ўн олти йил ҳукмронлик қилди. Онасининг исми Еруша бўлиб, у Зодўхнинг қизи эди. 2 Йўтом, отаси Уззиё каби, Эгамиз олдида тўғри ишлар қилди. Аммо отасидан фарқли равишда Эгамизнинг Маъбадида тутатқи тутатмади ^{▼▼ …отасидан фарқли равишда Эгамизнинг Маъбадида тутатқи тутатмади — 26:16-18 га қаранг.}. Халқ эса ҳамон бузуқ одатларини давом эттирарди.

3 Йўтом Эгамиз уйининг Юқори Дарвозасини қурди ва Офел тепалигидаги ^{▼▼ Офел тепалиги — кўҳна Қуддус шаҳри айнан шу тепалик устида жойлашган бўлиши мумкин. Шаҳарнинг бу қисми яна “Довуд қалъаси” деб аталар эди.} девор устида катта ишларни олиб борди. 4 Бундан ташқари, у Яҳудонинг қирларида шаҳарлар, ўрмонзорларда қалъалар ва миноралар қурдирди. 5 У Оммонликларга қарши жанг қилиб, уларни бўйсундирди. Оммонликлар уч йил давомида Йўтомга қуйидаги миқдордаги ўлпонни тўлашга мажбур бўлдилар: 200 пуд ^{▼▼ 200 пуд — ибронийча матнда 100 талант, тахминан 3,4 тоннага тўғри келади.} кумуш, 100.000 тоғора ^{▼▼ 100.000 тоғора — ибронийча матнда 10.000 кор, тахминан 2200 тоннага тўғри келади.} буғдой ва 100.000 тоғора арпа.

6 Йўтом Эгаси Худога содиқлик билан итоат этгани учун қудратли бўлиб кетди.

7 Йўтомнинг бошқа ишлари, қилган жанглари ва тутган йўллари “Исроил ва Яҳудо шоҳлари китоби”да ёзилган. 8 У йигирма беш ёшида шоҳ бўлиб, Қуддусда ўн олти йил ҳукмронлик қилди. Онасининг исми Еруша бўлиб, у Зодўхнинг қизи эди. 9 Йўтом оламдан ўтиб, Довуд қалъасида дафн қилинди. Ўрнига ўғли Охоз шоҳ бўлди.