Isa 12 | UznUzbC | STEP | Ўша куни сен айтасан: “Сенга шукур айтаман, эй Эгам, Мендан ғазабланган эдинг, Ғазабинг босилди, эй Эгам, Менга Сен тасалли берасан!”

‏ Isaiah 12

Шукрона қўшиғи

1 Ўша куни сен айтасан:
“Сенга шукур айтаман, эй Эгам,
Мендан ғазабланган эдинг,
Ғазабинг босилди, эй Эгам,
Менга Сен тасалли берасан!”
2 Сен яна айтасан: “Ҳа, Худо нажотимдир,
Қўрқмасман, У менинг умидимдир.
Эгамнинг Ўзи ^{▼▼ Эгамнинг Ўзи — ибронийча матнда Йаҳ Йаҳвеҳ. Ибронийчада Йаҳвеҳ Худонинг исмидир, Йаҳ — Йаҳвеҳнинг қисқа шакли.} менинг куч–қудратимдир ^{▼▼ …куч–қудратимдир — ёки …қудратим, шукрона қўшиғимдир.},
У менинг қутқарувчимдир.”

3 Шод бўлиб, нажот чашмасидан сув оласиз.
4 Ўша куни айтасиз:
“Шукроналар айтайлик Эгамизга.
Сажда қилайлик Унга!
Қилган буюк ишларини
Халқлар орасида овоза қилайлик,
Номи юксалганини ёдга солайлик!”

5 Ҳамдлар айтинг Эгамизга!
Бутун ер юзида бўлган овоза
Унинг қилган ажойиб ишлари!
6 Хитоб қилинг, ҳайқиринг шодликдан, эй Қуддус ^{▼▼ Қуддус — ибронийча матнда Сион. 1:8 изоҳига қаранг.} аҳли,
Буюкдир орангиздаги Исроил халқининг Муқаддас Худоси.