Psa 82 | UznUzbC | STEP | Осиф саноси. Қўшиқ.

‏ Psalms 82

1 Осиф ^{▼▼ Осиф — 49–санонинг изоҳига қаранг.} саноси. Қўшиқ.
2 Эй Худо, сукут сақламагин,
Жимжит бўлма, эй Худо, жим турмагин.
3 Душманларинг шовқин–сурон солмоқда,
Ғанимларинг исён қилмоқда.
4 Айёрлик билан улар халқингга фитна қилади,
Сен ардоқлаганларга қарши қасд қилади.
5 Улар айтар: “Қани, ўша халқнинг илдизини қуритайлик,
То абад унутилсин Исроилнинг номи.”

6 – 7 – 8 Эдомликлар ва Исмоил авлодлари,
Мўабликлар ^{▼▼ Эдомликлар…Мўабликлар… — Эдом Ўлик денгизнинг жанубида, Мўаб шу денгизнинг шарқида жойлашган юртлар эди.} ва Ҳожар насллари ^{▼▼ …Исмоил авлодлари…Ҳожар насллари… — Иордан дарёсининг шарқ томонида яшаган қариндош икки араб қабиласи (Ибтидо 25:12-18, 1 Солномалар 5:10 га қаранг).},
Габол ^{▼▼ Габол — бу ўринда ё Ўрта ер денгизи бўйидаги Финикияга қарашли шаҳар (Библ номи билан ҳам маълум бўлиб, Тир шаҳридан шимолда жойлашган) ёки Ўлик денгизнинг жанубидаги ерлар назарда тутилган.}, Оммон ва Омолек ^{▼▼ …Оммон ва Омолек… — Оммон халқи Иордан дарёсининг шарқ томонида, Омолек халқи эса Исроилдан жануби–ғарбда, Синай ярим оролида яшаган.} халқлари,
Тир халқи билан Филистия ^{▼▼ …Тир…Филистия… — Тир Финикиядаги шаҳар бўлиб, Исроилдан шимолда, Ўрта ер денгизи бўйида жойлашган. Филистия Ўрта ер денгизи бўйида жойлашган юрт эди.}
Тил бириктириб, фитна қилади,
Сенга қарши иттифоқ тузади.
9 Лут насли ^{▼▼ Лут насли — яъни Эдом ва Мўаб халқлари (Ибтидо 19:30-38 га қаранг).} билан иттифоқ тузиб,
Оссурия ҳам уларга қўшилган эди.

10 Мидиёнларни жазолаганингдай ^{▼▼ …Мидиёнларни жазолаганингдай… — Ҳакамлар 7:1-23 га қаранг.} уларни жазола,
Хишон дарёсида Сисаро, Ёбинни қирганингдай ^{▼▼ …Сисаро, Ёбинни қирганингдай… — Ҳакамлар 4:1-24 га қаранг.} жазола.
11 Улар Эн–Дўрда ҳалок бўлгандилар,
Ерга ташланган гўнгдай бўлгандилар.
12 Орив ва Заёвдай ^{▼▼ Орив ва Заёвдай… — Ҳакамлар 7:25 га қаранг.} қилиб, уларнинг йўлбошчиларини ўлдир,
Барча шаҳзодаларини Зевах ва Залмунодай ^{▼▼ …Зевах ва Залмунодай… — Ҳакамлар 8:21 га қаранг.} қилгин.
13 Ахир, улар: “Худонинг ўтлоқларини
Ўзимизники қилиб олайлик”, дедилар.

14 Эй Худойим, уларни хазондай совургин,
Шамолдаги сомондай уларни учиргин.
15 – 16 Ўрмонни аланга ёндиргандай,
Уларни бўронларинг ила таъқиб қил.
Тепаликларни олов билан куйдиргандай
Уларни довулларинг ила даҳшатга сол.
17 Юзларини шармандаликдан қизартир,
Токи улар, эй Эгам, Сенга интилсин.
18 Улар доим шарманда бўлиб, қўрқувга тушсин,
Бадном бўлиб, йўқ бўлиб кетсин.
19 Улар билсин Эгамиз Сен эканингни,
Ер юзида буюк ҳукмдор ёлғиз Сен эканингни.