Psa 128 | UznUzbC | STEP | Зиёрат қўшиғи. Исроил шундай деб айтсин: “Улар ёшлигимдан менга кўп зулм ўтказиб келди.

‏ Psalms 128

Зиёрат қўшиғи.

1 Исроил шундай деб айтсин:
“Улар ёшлигимдан менга кўп зулм ўтказиб келди.
2 Ҳа, ёшлигимдан менга зулм ўтказиб келган,
Аммо мени енга олмаганлар.
3 Мени савалаб, елкаларимда чуқур излар қолдирдилар,
Яраларим даладаги узун жўякларга ўхшар.
4 Эгамиз адолатпарвардир,
Фосиқларнинг арқонини қирқиб, мени озод қилди.”

5 Қуддусдан ^{▼▼ Қуддус — ибронийча матнда Сион. 2:6 изоҳига қаранг.} нафратланганларнинг ҳаммаси
Шарманда бўлиб, ортига қайтсин.
6 Том устидаги ўтларга ^{▼▼ Том устидаги ўтлар — қадимги Исроилда одатда уйларнинг томлари тупроқдан бўлиб, шиббаланган. Баъзан томларда майсалар ўсиб чиқар, лекин қуёш ва гармсел таъсирида тез қуриб қолар эди.} ўхшасин улар,
Ўсмасдан олдин қуриб қолсинлар.
7 Бундай ўтга ўроқчиларнинг ҳовучи тўлмайди,
Боғловчиларнинг қучоғи тўлмайди.
8 Ўтган–кетганлар уларга:
“Эгамиз сизларга барака берсин,
Эгамиз номи билан сизларни дуо қиламиз!” деб айтмасин.