Psa 74 | UznUzbC | STEP | Ижрочилар раҳбарига. “Хароб этма” куйига айтиладиган Осиф саноси. Қўшиқ.

‏ Psalms 74

1 Ижрочилар раҳбарига. “Хароб этма” куйига айтиладиган Осиф ^{▼▼ Осиф — 49–санонинг изоҳига қаранг.} саноси. Қўшиқ.
2 Эй Худо, Сенга шукурлар айтамиз,
Шукурлар айтамиз, Сен бизга яқинсан,
Мўъжизаларинг ҳақида одамлар гапиради.

3 Худо айтар: “Белгиланган вақтни танлайман,
Ҳаққонийлик билан ҳукм қиламан.
4 Замин ва ундаги инсонлар титраган пайтда
Замин устунларини ^{▼▼ Замин устунлари — 17:16 изоҳига қаранг.} маҳкам ушлаган Менман.”
5 Мақтанчоқларга Худо айтар: “Мақтанмагин”,
Фосиққа айтар: “Кучинг билан мақтанмагин.
6 Гердайиб, самоларга кучингни кўрсатма,
Қайсарларча киборлик билан гапирма.”

7 Ҳеч ким шарқдан ёки ғарбдан
Ёхуд саҳродан инсонни юксалтира олмайди.
8 Ҳукм қиладиган Худодир,
Бировни У йиқитар, бошқасини юксалтирар.
9 Ғазаб косаси Эгамизнинг қўлида,
Зиравор қўшилган кўпикли шаробга ^{▼▼ шароб — 59:5 изоҳига қаранг.} тўла.
У шаробни қуяди,
Оламдаги жамики фосиқлар эса
Қуйқумигача ичиб тугатади.
10 Мен то абад Ёқубнинг Худоси ҳақида гапираман,
Уни ҳамду сано ила тараннум этаман.

11 Худо айтар: “Фосиқларнинг кучини қирқаман,
Солиҳларнинг қудратини ошираман.”