Psa 75 | UznUzbC | STEP | Ижрочилар раҳбарига. Торли асбоблар жўрлигида айтиладиган Осиф саноси. Қўшиқ.

‏ Psalms 75

1 Ижрочилар раҳбарига. Торли асбоблар жўрлигида айтиладиган Осиф ^{▼▼ Осиф — 49–санонинг изоҳига қаранг.} саноси. Қўшиқ.
2 Яҳудо юртида Худо машҳурдир,
Исроилда Унинг номи буюкдир.
3 Унинг чодири Қуддусдадир ^{▼▼ Қуддус — ибронийча матнда Салим, Қуддуснинг қадимги номи.},
Макони Сиондадир.
4 Ўша ерда синдирди оташдай ўқларни,
Қалқону қилични, жанг қуролларини.

5 Эй Худо, нақадар буюксан!
Ўлжага бой тоғлардан Сен улуғворсан!
6 Жасур аскарлар ўлжа бўлиб ётибди,
Улар ўлим уйқусига кетган.
Биронта жангчининг
Қўл кўтаришга кучи қолмади.
7 Эй Ёқубнинг Худоси! Сенинг ҳайқириғингдан,
Отлару чавандозлар карахт бўлиб ётибди.
8 Чиндан ҳам Сен қўрқинчлисан,
Ким бардош бера олар Сенинг қаршингда,
Ғазабинг қўзғалган пайтда?!
9 – 10 Самолардан ҳукмингни эълон қилдинг!
Эй Худо! Сен ҳукм қилай деб,
Оламдаги мазлумларни қутқарай деб, қўзғалдинг.
Шунда ер юзи қўрқиб сукутда қолди.
11 Инсонга бўлган ғазабинг ^{▼▼ Инсонга бўлган ғазабинг… — ёки Сенга бўлган инсон ғазаби….} Ўзингга ҳамду сано келтирар,
Ғазабингдан қутулганларни атрофингга тўплайсан ^{▼▼ …Ғазабингдан қутулганларни атрофингга тўплайсан — ибронийча матндан сўзма–сўз таржимаси …Ғазабнинг қолганини кийиб оласан. Оятнинг бу қисмидаги ибронийча матннинг маъноси баҳсли.}.

12 Эгангиз Худога онтингизни адо қилинглар,
Қўрқинчли Худога атрофидагилари ^{▼▼ атрофидагилари — атрофдаги халқларнинг ҳукмдорлари (шу санонинг 13–оятига қаранг) ёки самодаги кенгашда иштирок этган илоҳий зотлар назарда тутилган (81:1, 88:8 га қаранг).}
Ҳадялар олиб келсинлар!
13 Худо такаббур шаҳзодаларни бўйсундириб олади,
Ер юзи шоҳларини қўрқувга солади.