Psa 86 | UznUzbC | STEP | Кўрах наслининг саноси. Қўшиқ.

‏ Psalms 86

1 Кўрах наслининг ^{▼▼ Кўрах насли — 41:1 нинг биринчи изоҳига қаранг.} саноси. Қўшиқ.
2 Эгамиз яратган шаҳар муқаддас тоғда ^{▼▼ муқаддас тоғ — Қуддусдаги Сион тоғига ишора. 47:3 нинг иккинчи изоҳига қаранг.} турибди,
Ёқуб наслининг барча масканларидан кўра,
Эгамиз Қуддус ^{▼▼ Қуддус — ибронийча матнда Сион (шу санонинг 4, 5, 6–оятларида ҳам бор). 2:6 изоҳига қаранг.} дарвозаларини кўпроқ севади.
3 Эй Худонинг шаҳри!
Сен тўғрингда Худо ажойиб сўзлар айтган:
4 “Мени эътироф этадиганлар орасида
Мисрни ^{▼▼ Миср — ибронийча матнда Раҳоб, Левитаннинг яна бир исми, Канъон халқларининг қадимий афсоналарида учрайдиган махлуқ (73:14 нинг биринчи изоҳига қаранг). Бу ўринда Раҳоб Мисрнинг шеърий номи сифатида келган (Ишаё 30:7 га қаранг).}, Бобилни, Филистияни,
Тир ^{▼▼ …Филистия…Тир… — Филистия Ўрта ер денгизи бўйида жойлашган юрт эди. Тир Финикиядаги шаҳар бўлиб, Исроилдан шимолда, Ўрта ер денгизи бўйида жойлашган.} билан Ҳабашистонни ^{▼▼ Ҳабашистон — ибронийча матнда Куш. Бу жой Мисрдан жанубда бўлиб, ҳозирги Судан ва Эфиопия мамлакатларининг бир қисмини ўз ичига олган эди.} ҳам қайд этаман.
Одамлар уларни ҳам: «Қуддусда туғилган», деб айтади.”

5 Ҳа, Қуддус ҳақида одамлар шу сўзни айтади:
“Ҳар бири ўша ерда туғилган,
Худойи Таолонинг Ўзи Қуддусни мустаҳкам қилади.”
6 Эгамиз халқларнинг рўйхатини тузиб:
“Бу одам ҳам Қуддусда туғилган”, деб ёзади.
7 Хониш қилиб, рақс тушиб улар:
“Ҳаётим манбаи Сендадир”, деб айтади.