Psa 87 | UznUzbC | STEP | Ижрочилар раҳбарига. Кўрах наслининг саноси. “Қайғу–алам” куйига айтиладиган қўшиқ. Зерах уруғидан бўлган Хаманнинг қасидаси .

‏ Psalms 87

1 Ижрочилар раҳбарига. Кўрах наслининг ^{▼▼ Кўрах насли — 41:1 нинг биринчи изоҳига қаранг.} саноси. “Қайғу–алам” куйига айтиладиган қўшиқ. Зерах уруғидан бўлган Хаманнинг қасидаси ^{▼▼ қасида — 31–санонинг изоҳига қаранг.}.
2 Эй Эгам, нажоткорим Худо,
Кеча–кундуз фарёд қиламан олдингда.
3 Ибодатим Сенга етиб борсин,
Қулоғингни додимга тутгин.

4 Ҳаётим кулфатга тўла,
Ўзим ўликлар диёрига ^{▼▼ ўликлар диёри — ибронийча матнда Шеўл. 6:6 изоҳига қаранг.} яқинлашганман.
5 Мени қабрга тушганлар орасида ҳисоблайдилар,
Бемажолларга ўхшаб қолганман.
6 Мурдалар орасига ташланганман,
Қабрда ётган марҳумларга ўхшайман,
Сен мени ўшалардай унутгансан,
Улар Сенинг ҳимоянгдан маҳрумдирлар.
7 Сен ташладинг мени қабрнинг энг тубига,
Энг зулмат, чуқур жойларга.
8 Ғазабинг устимдан зилдай босади,
Қаҳринг тўлқинлари ила мени эзасан.

9 Яқин дўстларимдан мени айирдинг,
Уларга мени жирканч қилдинг,
Қамалиб қолганман, халос бўла олмайман.
10 Кўзларим нури ғамдан адойи тамом бўлди.
Эй Эгам, ҳар куни ^{▼▼ ҳар куни — ёки кун бўйи.} Сенга илтижо қиламан,
Қўлларимни Сен томон чўзаман.
11 Мўъжизаларингни марҳумларга кўрсатасанми?!
Мурдалар туриб, Сенга ҳамду сано айтармикан?!
12 Сенинг содиқ севгинг қабрда эълон қилинарми?!
Ҳалокат диёрида ^{▼▼ Ҳалокат диёри — ибронийча матнда Абаддўн. Бу сўз Шеўлни, яъни ўликлар диёрини билдиради.} Сенинг садоқатинг ҳақида айтиларми?!
13 Зулмат диёрида мўъжизаларинг маълум бўларми?!
Унутилганлар маконида ^{▼▼ …қабр…13 Зулмат диёри…Унутилганлар макони… — Шеўл, яъни ўликлар диёри назарда тутилган. 6:6 изоҳига қаранг.} одиллигинг ҳақида сўйланарми?!

14 Эй Эгам, мен Сенга фарёд қиламан,
Ибодатим саҳарданоқ Сенга етиб боради.
15 Эй Эгам, нечун мени рад қиласан?
Нечун мендан юз ўгирасан?
16 Ёшлигимдан буён хастаман, ўлим билан юзма–юзман,
Ваҳималаринг қаршисида умидсиз қолганман ^{▼▼ …умидсиз қолганман — ёки …менинг тинка–мадорим қуриган.}.
17 Қаҳру ғазабинг мени эзиб ташлади,
Ваҳималаринг мени адойи тамом қилди.
18 Қаҳр–ғазабинг кун бўйи мени тўфондай ўраб олади,
Мени ҳар тарафдан қуршаб олади.
19 Яқин дўстимдан, қўшнимдан мени айирдинг,
Фақат зулмат менинг шеригим бўлиб қолди.