Song 1 | UznUzbC | STEP | Сулаймоннинг энг гўзал қўшиғи. Қиз : Ўпгин мени лабларинг билан, Сенинг севгинг шаробдан ҳам ширинроқдир.

‏ Song of Solomon 1

1 Сулаймоннинг энг гўзал қўшиғи.

Биринчи қўшиқ

Қиз ^{▼▼ Қиз — курсив билан ёзилган сарлавҳалар ибронийча асл нусхада йўқ. Бу сарлавҳалар ўқувчига ёрдам сифатида ким гапираётганини билдириш учун мазкур таржимага киритилган. Асл нусха матнининг баъзи жойларида ким гапираётганини билдирадиган грамматик белгилар бор. Аммо ким гапираётгани матнда ҳар доим ҳам аниқ эмас.}: Ўпгин мени лабларинг билан,
Сенинг севгинг шаробдан ҳам ширинроқдир.
2 Атир мойларинг қанчалик хушбўй!
Ёқимли атир каби номинг ҳар тарафга таралар.
Шунинг учун қизлар сени севарлар.
3 Мени ўзинг билан олиб кет, тезроқ борайлик.
Эй шоҳим, мени ўз ётоғингга олиб киргин.
Қуддус қизлари: Эй шоҳимиз, биз қувонамиз. Сиз билан севинамиз,
Шаробдан ҳам кўпроқ сизнинг севгингизни мақтаймиз.
Қиз: Эй севгилим! Қизлар сени севиб, тўғри қилишади.
4 Эй Қуддус қизлари!
Мен қорачадан келган бўлсам ҳам гўзалман,
Кедар ^{▼▼ Кедар — Арабистон саҳросидаги ерлар.} чодирларидай қора бўлсам ҳам,
Сулаймон пардаларидай чиройлидирман.
5 Қоралигим учун менга паст назар билан қараманглар.
Қуёш нурлари мени қорайтирди.
Ака–укаларимнинг мендан жаҳли чиқиб,
Мени узумзорлар қоровули қилиб қўйишди,
Аммо ўз узумзоримга ^{▼▼ ўз узумзорим — кўчма маънодаги ибора бўлиб, қиз ўз қиёфасига ишора қиляпти.} қарай олмадим!
6 Севгилим, менга айтгин–чи,
Қаерда ўз подангни боқасан?
Туш вақти уларни қаерга ётқизасан?
Айт менга, яна подачи дўстларинг олдида
Уятсиз ^{▼▼ Уятсиз — ибронийча матндан сўзма–сўз таржимаси юзи тўсилган. Қадимги Исроилда фоҳишалар ўзларини танитмаслик учун, юзларини ёпиб юрганлар (Ибтидо 38:14-15 га қаранг). Қиз ахлоқи бузуқ аёлга ўхшаб қолмаслиги учун, йигитни чўпонлар орасидан қидирмоқчи эмас.} аёллардай бўлиб юрмай, ахир.
Йигит: 7 Қаердалигимни билмасанг,
Эй гўзалларнинг гўзали,
Поданинг изларидан боргин.
Чўпонларнинг чодирлари олдида
Ўз эчкиларингни ўтлатгин.
8 Эй севгилим,
Сен фиръавн аравасига қўшилган учқур отдай гўзалсан.
9 Зиракларинг туфайли ёноқларинг гўзалдир,
Марваридлар бўйнингни қандай чиройли қилар.
10 Сенга атаб тилладан безаклар,
Кумушдан тақинчоқлар ясаттираман.
Қиз: 11 Шоҳим ёнбошлаб ётганда,
Атирларим ўз ҳидини таратди.
12 Кўкракларим орасида ётган,
Хушбўй миррага ^{▼▼ мирра — маълум бир дарахтларнинг қотган елимидан тайёрланган хушбўй модда.} тўла халтача кабидир менинг севгилим.
13 У мен учун Эн–Геди ^{▼▼ Эн–Геди — Ўлик денгизнинг ғарбий қирғоғидаги бир воҳа.} боғларидаги
Хина гулларидайдир.
Йигит: 14 Гўзалдирсан, эй севгилим,
Сен гўзалсан!
Кўзларинг кабутар кўзларидай назокатлидир.
Қиз: 15 Чиройлисан, эй севгилим,
Жуда ҳам хушрўйдирсан,
Ям–яшил майсалар бизнинг тўшагимиздир.
16 Садр дарахтлари томимиз бўлса,
Арчалар томимиз синчларидир.