2Ch 27 | UznUzbL | STEP | Yoʻtom yigirma besh yoshida shoh boʻlib, Quddusda oʻn olti yil hukmronlik qildi. Onasining ismi Yerusha boʻlib, u Zodoʻxning qizi edi.

‏ 2 Chronicles 27

Yahudo shohi Yoʻtom

1 Yoʻtom yigirma besh yoshida shoh boʻlib, Quddusda oʻn olti yil hukmronlik qildi. Onasining ismi Yerusha boʻlib, u Zodoʻxning qizi edi. 2 Yoʻtom, otasi Uzziyo kabi, Egamiz oldida toʻgʻri ishlar qildi. Ammo otasidan farqli ravishda Egamizning Maʼbadida tutatqi tutatmadi ^{▼▼ …otasidan farqli ravishda Egamizning Maʼbadida tutatqi tutatmadi — 26:16-18 ga qarang.}. Xalq esa hamon buzuq odatlarini davom ettirardi.

3 Yoʻtom Egamiz uyining Yuqori Darvozasini qurdi va Ofel tepaligidagi ^{▼▼ Ofel tepaligi — koʻhna Quddus shahri aynan shu tepalik ustida joylashgan boʻlishi mumkin. Shaharning bu qismi yana “Dovud qalʼasi” deb atalar edi.} devor ustida katta ishlarni olib bordi. 4 Bundan tashqari, u Yahudoning qirlarida shaharlar, oʻrmonzorlarda qalʼalar va minoralar qurdirdi. 5 U Ommonliklarga qarshi jang qilib, ularni boʻysundirdi. Ommonliklar uch yil davomida Yoʻtomga quyidagi miqdordagi oʻlponni toʻlashga majbur boʻldilar: 200 pud ^{▼▼ 200 pud — ibroniycha matnda 100 talant, taxminan 3,4 tonnaga toʻgʻri keladi.} kumush, 100.000 togʻora ^{▼▼ 100.000 togʻora — ibroniycha matnda 10.000 kor, taxminan 2200 tonnaga toʻgʻri keladi.} bugʻdoy va 100.000 togʻora arpa.

6 Yoʻtom Egasi Xudoga sodiqlik bilan itoat etgani uchun qudratli boʻlib ketdi.

7 Yoʻtomning boshqa ishlari, qilgan janglari va tutgan yoʻllari “Isroil va Yahudo shohlari kitobi”da yozilgan. 8 U yigirma besh yoshida shoh boʻlib, Quddusda oʻn olti yil hukmronlik qildi. Onasining ismi Yerusha boʻlib, u Zodoʻxning qizi edi. 9 Yoʻtom olamdan oʻtib, Dovud qalʼasida dafn qilindi. Oʻrniga oʻgʻli Oxoz shoh boʻldi.