Isa 12 | UznUzbL | STEP | Oʻsha kuni sen aytasan: “Senga shukur aytaman, ey Egam, Mendan gʻazablangan eding, Gʻazabing bosildi, ey Egam, Menga Sen tasalli berasan!”

‏ Isaiah 12

Shukrona qoʻshigʻi

1 Oʻsha kuni sen aytasan:
“Senga shukur aytaman, ey Egam,
Mendan gʻazablangan eding,
Gʻazabing bosildi, ey Egam,
Menga Sen tasalli berasan!”
2 Sen yana aytasan: “Ha, Xudo najotimdir,
Qoʻrqmasman, U mening umidimdir.
Egamning Oʻzi ^{▼▼ Egamning Oʻzi — ibroniycha matnda Yah Yahveh. Ibroniychada Yahveh Xudoning ismidir, Yah — Yahvehning qisqa shakli.} mening kuch–qudratimdir ^{▼▼ …kuch–qudratimdir — yoki …qudratim, shukrona qoʻshigʻimdir.},
U mening qutqaruvchimdir.”

3 Shod boʻlib, najot chashmasidan suv olasiz.
4 Oʻsha kuni aytasiz:
“Shukronalar aytaylik Egamizga.
Sajda qilaylik Unga!
Qilgan buyuk ishlarini
Xalqlar orasida ovoza qilaylik,
Nomi yuksalganini yodga solaylik!”

5 Hamdlar ayting Egamizga!
Butun yer yuzida boʻlgan ovoza
Uning qilgan ajoyib ishlari!
6 Xitob qiling, hayqiring shodlikdan, ey Quddus ^{▼▼ Quddus — ibroniycha matnda Sion. 1:8 izohiga qarang.} ahli,
Buyukdir orangizdagi Isroil xalqining Muqaddas Xudosi.