Job 26 | UznUzbL | STEP | Ayub shunday deb javob berdi:

‏ Job 26

Ayubning toʻqqizinchi nutqi: Xudoning beqiyos buyukligi haqida

1 Ayub shunday deb javob berdi:

2 “Ojizga bergan yordaming shumi?
Kuchsizga shunday madad kerakmi?!
3 Aqlsizga biram oʻrgatib qoʻyding–a!
Bergan maslahatlaring biram maʼnoliki!
4 Kim oʻrgatdi oʻzi senga bu dono gaplarni?!
Sen orqali kimning ruhi gapirgan oʻzi?!

5 Suvlar ostidagi oʻliklar diyorida ^{▼▼ Suvlar ostidagi oʻliklar diyorida… — qadimda Isroil xalqining tasavvuriga koʻra, yer tep–tekis boʻlib, yer ostida buyuk dengiz bor edi. Oʻliklar diyori oʻsha dengiz ostida edi.}
Marhumlarning ruhi qaltiraydi.
6 Xudoning oldida oʻliklar diyori ^{▼▼ oʻliklar diyori — ibroniycha matnda Sheoʻl. 7:9 izohiga qarang.} ochiqdir,
Halokat diyorining ^{▼▼ Halokat diyori — ibroniycha matnda Abaddoʻn. Bu soʻz Sheoʻlni, yaʼni oʻliklar diyorini bildiradi.} ham yopinchigʻi yoʻq.
7 Xudo boʻshliq ustiga samoni yoydi,
Yerni esa boʻshliqqa osib qoʻydi.
8 Xudo bulutlarni yomgʻir suviga toʻldiradi,
Bulutlar esa suvning ogʻirligidan yirtilib ketmaydi.
9 Xudo toʻlin oyning yuzini ^{▼▼ toʻlin oyning yuzi — yoki Oʻz taxti.} yashirib,
Bulutlar bilan oʻrab qoʻyadi.
10 Xudo ufqni bepoyon ummon uzra yoyib,
Yorugʻlik va qorongʻilik orasiga chegara qoʻydi.
11 Xudo osmonning ustunlariga ^{▼▼ osmonning ustunlari — 22:14 izohiga qarang.} doʻq qilsa,
Ular qoʻrquvdan qaltirab tebranadi.
12 Xudo Oʻz qudrati bilan dengizni magʻlub qildi ^{▼▼ Xudo…dengizni magʻlub qildi — 9:8 ning ikkinchi izohiga qarang.},
Oʻz zakovati bilan maxluq Rahobni ^{▼▼ Rahob — 9:13 izohiga qarang.} halok qildi.
13 Oʻz nafasi bilan bulutlarni haydab,
Moviy osmonni ochdi.
Uning qudrati qochayotgan ilonni ^{▼▼ ilon — Rahobga ishora. Rahob yana Levitan nomi bilan tanilgan. 3:8 va Ishayo 27:1 ga qarang.} ezib tashladi.
14 Bular Xudo qilgan ishlarning kichik bir parchasidir,
Xuddi pichirlab aytilgan gapga oʻxshaydi!
Shunday ekan, agar Uning qudrati
Momoqaldiroqday gumburlasa, kim tushuna oladi?”