Pro 30 | UznUzbL | STEP | Yoxining oʻgʻli Agʻurning Ixtiyolga bergan, Itel va Uxalga aytgan soʻzlari :

‏ Proverbs 30

Agʻurning soʻzlari

(30:1-33)

1 Yoxining oʻgʻli Agʻurning Ixtiyolga bergan, Itel va Uxalga aytgan soʻzlari ^{▼▼ Yoxining oʻgʻli Agʻurning…aytgan soʻzlari… — ibroniycha matndan. Qadimiy yunoncha tarjimada Yoxining oʻgʻli Agʻurning soʻzlari: “Toliqqanman, ey Xudoyim, toliqqanman, bemajolman…. Ibroniy qoʻlyozmalarida unlilar ishlatilmagani bois, bu oyatdagi gapning undoshlari bilan qaysi unlilar oʻqilgani va soʻzlar boʻgʻinlarga qanday boʻlingani aniq emas edi. Shu sababdan yunoncha tarjima ibroniychadan farq qiladi.}:

2 “Rostdan ham odamlar orasida eng aqlsizi ekanman,
insonning aql–idroki menda yoʻq.
3 Na donolikni oʻrganibman,
na Muqaddas Xudoni bilibman.
4 Kim osmonga koʻtarilgan, osmondan tushgan?
Shamolni hovuchlariga yiqqan kim?
Kim suvni oʻz kiyimiga oʻragan?
Yerning barcha chegaralarini oʻrnatgan kim?
Uning ismi nima?
Oʻgʻlining ismi–chi?
Bilasan–ku!

5 Xudoning har bir soʻzi haqiqatdir,
Oʻzi esa Unga umid bogʻlaganning qalqoni.
6 Uning soʻzlariga qoʻshma,
U jazolasa, yolgʻoning fosh etilsa nima qilasan?

7 Sendan ikki narsani soʻrayman,
oʻlmasimdan oldin qilgin.
8 Soxtalik va yolgʻonni mendan uzoqlashtir,
menga qashshoqlik ham, boylik ham emas,
faqat nasibamni bergin.
9 Qornim toʻyganda: «Egam kim oʻzi?» deb aytmayin,
kambagʻallikdan oʻgʻrilik qilib, Uni badnom qilmayin.

10 Qul seni laʼnatlamasligi uchun uni egasiga yomonlama,
boʻlmasa jazolanasan.

11 Shunday nasl borki, otasiga laʼnat oʻqiydi,
onasini duo qilmaydi.
12 Shunday nasl borki, oʻzining nazarida pok,
lekin iflosligidan tozalanmagan.
13 Shunday nasl bor, koʻzlari qanchalik takabbur,
qarashlari ham magʻrur.
14 Shunday nasl borki, tishlari — qilich,
qoziq tishlari esa pichoq,
yer yuzidan kambagʻalni,
odamlar orasidan muhtojni yoʻqotadi.

15 Zulukning ikki qizi bor:
«Ber, ber!» — deb aytadi.
Hech qachon qoniqmaydigan uch narsa,
yetarli, demaydigan toʻrt narsa bor.
16 Doʻzax ^{▼▼ Doʻzax — 1:12 izohiga qarang.}, bepusht bachadon,
suvsiragan tuproq hamda olov, yetarli, demaydi.

17 Otani mazaxlaydiganning,
onaga boʻysunishni rad etadiganning koʻzlarini
quzgʻunlar choʻqiydi,
kalxat bolalari yeydi.

18 Meni hayron qoldiradigan uch narsa bor,
toʻrt narsa borki, aqlimga sigʻmaydi:
19 havodagi burgutning yoʻli,
tosh ustidagi ilonning yoʻli,
dengiz oʻrtasidagi kemaning yoʻli hamda
qizga yuradigan erkaklarning yoʻli.
20 Zinokor ayolning yoʻli ham shundaydir:
u yeb boʻlgach, ogʻzini artib:
«Hech bir egrilik qilmadim–ku!» deydi.

21 Yer uch narsadan larzaga keladi,
toʻrt narsani koʻtara olmaydi:
22 qul shohlik qilganda,
ahmoq toʻyganda,
23 shallaqi ayol erga tekkanda,
choʻri bekasining oʻrnini olganda.

24 Yer yuzida toʻrtta kichkina narsa bor,
lekin oʻta dono:
25 chumolilar zaif,
lekin yeguligini yozda tayyorlaydi.
26 Boʻrsiq kamquvvat,
lekin inini qoyaga quradi.
27 Chigirtkalarning ^{▼▼ chigirtkalar — baʼzan toʻda–toʻda boʻlib kelib, dalalardagi hosilga katta zarar yetkazadigan hasharot.} sardori yoʻq,
lekin barchasi hamjihat yurish qiladi.
28 Oʻrgimchakni ^{▼▼ Oʻrgimchak — yoki kaltakesak.} qoʻl bilan ushlasa boʻladi,
lekin saroyda ham yuradi.

29 Yurishi salobatli uch narsa,
qadami ulugʻvor toʻrt narsa bor:
30 sher hayvonlar ichida eng kuchlisi,
hech nimadan qochmaydi.
31 Maqtanib yuradigan xoʻroz ^{▼▼ Maqtanib yuradigan xoʻroz… — qadimiy yunoncha va suryoniycha tarjimalardan. Ibroniycha matndagi gapning maʼnosi bahsli.},
serka va gʻolib shoh ^{▼▼ gʻolib shoh — yoki oʻz xalqini boshlab borayotgan shoh yoxud oʻz lashkarini boshlab boradigan shoh.}.

32 Agar ahmoqlik qilib oʻzingni maqtagan boʻlsang,
birovga yomonlik qilaman, deb aytgan boʻlsang,
ovozingni oʻchir, ogʻzingni yop!
Chunki kuv ^{▼▼ kuv — sutni chayqatib yogʻini olish uchun ishlatiladigan uzun yogʻoch idish va yoʻgʻon sop.} pishsa yogʻ chiqadi,
burunga ursa qonaydi,
jahlni qoʻzgʻatsa janjal chiqadi.”
33

‏ Proverbs 30

Agʻurning soʻzlari

(30:1-33)

Shohga maslahat

(31:1-9)